पुणे दर्शन आता अधिक सुलभ

पुणे शहर हे ऐतिहासिक, धार्मिक आणि सांस्कृतिक वारशाने नटलेले आहे. धावपळीच्या जीवनात अनेकांना या स्थळांना भेट देणे शक्य होत नाही. हीच अडचण ओळखून PMPML प्रशासनाने पुणे, पिंपरी-चिंचवड आणि पीएमआरडीए (PMRDA) परिसरातील नागरिकांसाठी एकूण ८ विशेष पर्यटन बसगाड्यांचे नियोजन केले आहे. या बसगाड्यांच्या माध्यमातून शहराच्या वैभवाची ओळख पर्यटकांना करून दिली जाणार आहे.

केवळ ५०० रुपयांत पूर्ण दिवसाची सहल

मिळालेल्या माहितीनुसार, ही पर्यटन फेरी प्रति व्यक्ती ५०० रुपये दरात उपलब्ध असेल. यामध्ये ऐतिहासिक वास्तू, प्रसिद्ध मंदिरे आणि नैसर्गिक सौंदर्याने नटलेल्या स्थळांचा समावेश करण्यात आला आहे. सर्व पर्यटन बसगाड्या रविवार, ८ मार्च रोजी सकाळी ८ वाजता स्वारगेट मुख्य बसस्थानकातून मार्गस्थ होतील. जरी हा उपक्रम महिला दिनानिमित्त विशेषतः महिलांना डोळ्यासमोर ठेवून आखला असला, तरी ही सेवा सर्व वयोगटातील नागरिकांसाठी खुली आहे.

Nagpur Crime: कॉलेजमधले प्रेमसंबंध, सोनालीच्या लग्नानंतरही भेटायचा; नवऱ्यानं ट्रॅप लावला, होळीला गावी आलेल्या सागरची पती-पत्नीनं मिळून हत्या केली

त्यामुळे कुटुंबासह किंवा मित्र-मैत्रिणींसोबत एका दिवसात पुणे दर्शनाचा आनंद घेण्याची ही उत्तम संधी आहे.

बुकिंग आणि अधिक माहिती

नागरिकांनी या सुविधेचा जास्तीत जास्त लाभ घ्यावा, असे आवाहन PMPML प्रशासनाकडून करण्यात आले आहे. या पर्यटन फेरीसाठी मर्यादित जागा असल्याने आगाऊ बुकिंग करणे आवश्यक आहे. अधिक माहितीसाठी किंवा नाव नोंदणीसाठी नागरिकांनी पर्यटन बससेवा समन्वयक तिनिष गुरव (मोबाईल क्रमांक: ९८५०४०२६६३) यांच्याशी थेट संपर्क साधण्याचे सूचित करण्यात आले आहे.

महिला दिनाच्या निमित्ताने होणारी ही विशेष सहल पुणेकरांसाठी नक्कीच एक संस्मरणीय अनुभव ठरेल, असा विश्वास व्यक्त केला जात आहे.