नेमकं काय घडलं?

पोलिसांनी दिलेल्या माहितीनुसार, ही घटना १ मार्च रोजी घडली. अशोक हांडे हे मुंबईतील माटुंगा पश्चिमेकडील मनमाला टँक रोडवरील युनायटेड हाऊसच्या तळ मजल्यावर कार्यालयात बसले होते. याच परिसरात राहणारा प्रथमेश पांडुरंग उनफोडे उर्फ बंटी (५३) हा त्यांच्या कार्यालयात बॅट घेऊन आला. त्याने बॅटने काचेवर हल्ला करताच हांडे बाहेर आले.

पार्किंगच्या वादातून धक्कादायक प्रकार

त्यावेळी प्रथमेश हा कार्यालयाबाहेर पार्क करण्यात आलेल्या वाहनांचे पैसे मागू लागला. ‘मराठी बाणा’ कार्यक्रमाची वाहने या ठिकाणी नेहमी पार्किंग केलेली असतात आणि या जागेशी प्रथमेश याचा काहीच संबंध नसल्याने हांडे यांनी पैसे देण्यास नकार दिला. यामुळे संतापलेल्या प्रथमेश याने त्यांना शिवीगाळ करीत त्यांच्यावर बॅट उगारली. या हल्ल्यातून वाचण्याचा प्रयत्न करीत असताना बॅट कानाजवळ बसल्याने दुखापत झाली.
Satara News : लोखंडी प्रवेशद्वार अंगावर कोसळलं, ऐन होळीला अडीच वर्षीय चिमुकल्याचा मृत्यू, मुळे दाम्पत्यावर दुःखाचा डोंगर

पोलिसांनाही अपशब्द

कार्यालयातील इतर कर्मचाऱ्यांनी या प्रकरणी हस्तक्षेप केला. तरीही प्रथमेश ऐकण्याच्या मनःस्थितीत नसल्याने पोलिसांना कळविण्यात आले. माहीम पोलिसांचे पथक घटनास्थळी पोहोचले. तो पोलिसांनाही ऐकत नव्हता. अखेर त्याला ताब्यात घेऊन पोलिसांनी त्याच्याविरुद्ध गुन्हा दाखल केला. पोलिसांनाही त्याने अपशब्द वापरून त्यांच्या अंगावरही धावून गेल्याने सरकारी कामात अडथळा आणल्याचे कलम लावण्यात आले.
Crime News : स्वयंपाकावरुन सासूशी वाद, 35 वर्षीय इंजिनिअर तरुणीने आयुष्य संपवलं, चार वर्षांचं लेकरु मातृत्वाला मुकलं

कोण आहेत अशोक हांडे?

अशोक हांडे हे लोककलेचे ज्येष्ठ अभ्यासक आहेत. लेखन, दिग्दर्शन, अभिनय, संगीत, गायन, निर्मिती अशा विविध क्षेत्रात त्यांना मुशाफिरी केली आहे. पुण्यातील वारकरी कुटुंबात जन्म झालेल्या अशोक हांडे यांना लहानपणापासूनच भजन, भारुड, तमाशा यासारख्या लोककलांची आवड होती. मुंबईतील लालबाग परिसरात आल्यानंतर त्यांच्यातील कलागुणांना अधिक वाव मिळाला. मराठी बाणा हा महाराष्ट्रीय संस्कृतीचा परामर्श घेणारा लोकप्रिय सांगितीक आविष्कार त्यांचीच निर्मिती आहे.