सीसीटीव्ही फुटेज समोर

प्रत्यक्षदर्शी आणि सीसीटीव्ही फुटेजनुसार, आरोपीने त्या निष्पाप प्राण्याला हवेत गोल फिरवत जोरात जमिनीवर आपटलं. या अमानुष मारहाणीत कुत्रा गंभीर जखमी झाला. या घटनेनंतरही आरोपी आणि त्याच्या सोबत असलेल्या सहा ते सात जणांनी भर रस्त्यात आरडाओरडा करत नाच केला आणि धिंगाणा घातला. धक्कादायक बाब म्हणजे, त्यानंतर आरोपींकडे असलेल्या चारचाकी वाहनाने भरधाव वेगाने जाऊन रस्त्याच्या कडेला उभ्या असलेल्या जखमी कुत्र्याला उडवण्याचा प्रयत्नही करण्यात आला. सुदैवाने कुत्रा थोडक्यात बचावला असल्याची माहिती मिळते.
Ahilyanagar Crime : शाळेत एकटेपणाचा गैरफायदा, शिक्षकी पेशाला काळिमा, अल्पवयीन विद्यार्थिनीवर अत्याचार; गर्भवती झाल्यानं प्रकार उघड

नागरिकांमध्ये संतापाची लाट

ही संपूर्ण घटना परिसरातील सीसीटीव्ही कॅमेऱ्यात कैद झाली असून, फुटेज सोशल मीडियावर व्हायरल होताच नागरिकांमध्ये संतापाची लाट उसळली आहे. या प्रकरणी एका तरुणाने धाडस दाखवत पोलिसांकडे तक्रार दाखल केली. त्यानंतर संत तुकाराम नगर पोलीस ठाणे येथे आरोपी स्वप्निल सखाराम सावंत याच्याविरोधात गुन्हा दाखल करण्यात आला आहे.

Beed Accident : धुळवड खेळायला जाताना काळाचा घाला, कार चारदा पलटून विहिरीच्या कठड्यावर अडकली, तरुणाचा मृत्यू

मानवतेला काळिमा

पोलिसांनी संबंधित कलमांनुसार गुन्हा नोंदवून पुढील तपास सुरू केला आहे. सीसीटीव्ही फुटेजच्या आधारे इतर सहभागी आरोपींची ओळख पटवण्याचे काम सुरू आहे. निष्पाप प्राण्यांवर होणाऱ्या अशा क्रूर घटनांमुळे समाजात संताप व्यक्त होत आहे. आरोपींवर कठोर कारवाई व्हावी आणि अशा प्रकारांना आळा बसावा, अशी मागणी प्राणीप्रेमी आणि नागरिकांकडून केली जात आहे. मानवतेला काळिमा फासणाऱ्या या घटनेवर आता पोलिस काय कठोर पावले उचलतात, याकडे सर्वांचे लक्ष लागलं आहे.