दादर रेल्वे स्थानकावरील घटना

एक्सवरती सिंग वरुण नावाच्या एका यूझरने हा व्हिडिओ टाकला आहे. यामध्ये एक सफाई कर्मचारी दादर रेल्वे स्थानकावर झाडू मारताना दिसत आहे. त्यामध्ये त्याच्या शेजारी एक कचरापेटी देखील आहे. पण या कचरापेटीतून प्लास्टिकच्या बाटल्या उचलून तो कर्मचारी पुन्हा रेल्वे रूळांवर फेकताना दिसत आहे. स्थानक परिसर स्वच्छ करण्याऐवजी आणखी कचरा पसरवताना या व्हिडिओमध्ये दिसत आहे.

‘मला माहित नाही @drmmumbaicr ची माणसं कोणत्या प्रकाराची स्वच्छता मोहीम राबवत आहेत, मी या माणसाला प्लॅटफॉर्म साफ करताना, ट्रॅकवर बाटल्या फेकताना आणि प्लॅटफॉर्म झाडताना पाहिले. त्याने कचऱ्याच्या डब्यातून त्या बाटल्या उचलल्या आणि ट्रॅकवर फेकल्या,’ असे त्या व्यक्तीने आपल्या पोस्टमध्ये म्हटले आहे. याच वेळी त्यांनी मुंबई मध्य रेल्वेच्या विभागीय रेल्वे व्यवस्थापकांना टॅग करत हा सवाल केला.

दरम्यान, यानंतरच त्यांनी आणखी एक व्हिडिओ पोस्ट केला. यामध्ये वरील घटनेच्या काही मिनिटांनंतरच एक माणूस रेल्वे रुळांवरून या बाटल्या उचलून घेऊन जाताना दिसत आहे. या घटनेनंतर नागरिकांना कंत्राटी कामगारांच्या कामांवरती प्रश्नचिन्ह उपस्थितित केला आहे.

वांद्रेमधील व्हिडिओही व्हायरल

दरम्यान, काही दिवसांपूर्वीच एका विदेशी व्लॉगरने मुंबईतील वांद्रे रेल्वे स्थानक परिसरातील अस्वच्छता दाखवत व्हिडिओ केला होता. या भागांतील झोपडपट्टी परिसरात जाऊन कचरा दाखवत याची तुलना एखाद्या डम्पिंग ग्राऊंडशी केली. नंतर त्याने या व्हिडिओमध्ये मिठी नदीचे दृश्यही दाखवली. मिठी नदीतील गाळ आणि कचरा दाखवला आणि सरकार नदी स्वच्छ का नाही करत असा सवाल केला. यामुळेही मुंबईतील रेल्वे स्थानकं आणि परिसरातील स्वच्छतेवर प्रश्नचिन्ह उपस्थित झालं होतं.