गर्दी नियंत्रणासाठी एआय

कृत्रिम बुद्धिमत्तेसह (एआय) अद्ययावत तंत्रज्ञानानुसार आगामी सिंहस्थात पोलिसिंग आणि गर्दी नियंत्रणाची तयारी करणाऱ्या यंत्रणांनी आता वाहनतळांसह ‘होल्डिंग पॉइंट’च्या निश्चितीवर भर दिला आहे. शहर व जिल्ह्यातील वाहनतळांबाबत बैठकी सुरू असताना प्रयागराजमध्ये महाकुंभावेळी शेकडो किलोमीटर वाहनांच्या रांगा लागल्याने उद्भवलेल्या भीषण स्थितीतून धडा घेत आगामी सिंहस्थात नाशिक जिल्ह्याबाहेरपर्यंत तटबंदी करण्याचा यंत्रणांचा विचार आहे. त्यासाठी विविध ठिकाणी वाहने रोखण्याचे नियोजन केल्याचे पोलिसांच्या सिंहस्थ कक्षातील सूत्रांनी सांगितले.अटल सेतू ते नवी मुंबई विमानतळ जोडणारा Ulwe Coastal Road, प्रवासात वाचणार 25 मिनिटं; 6.7 किमी मार्ग कुठून-कसा?

दरम्यान, गत सिंहस्थात शहराबाहेर वाहने रोखली होती. त्यामुळे १५ ते २० किलोमीटरपर्यंत भाविकांना पायी चालावे लागले होते. सन २०२६-२७ मधील सिंहस्थातही जिल्ह्याबाहेर वाहने थांबविण्यात येणार असली, तरी अंतर्गत पार्किंग स्नानघाटांच्या जवळच्या जागेत करण्यात आले आहे. त्यामुळे जास्तीत जास्त १५ किलोमीटर एका मार्गावरील भाविकांना पायी जावे लागू शकते. उर्वरित मार्गावरील भाविकांना एक ते बारा किलोमीटर अंतर यावे-जावे लागेल, असे सूत्रांनी सांगितले.

Ghansoli to Airoli Flyover: नवी मुंबईतील वाहतूक कोंडीसाठी खाडीवर पूल, घणसोली ते ऐरोली उन्नत मार्गाला गती; कसा असेल मार्ग?

कशा असेल सेवा?

प्रमुख मार्गांवरील धुळे, पुणे, मुंबई, छत्रपती संभाजीनगर, पेठ, दिंडोरी, गंगापूर आणि त्र्यंबकेश्वरवरून येणाऱ्या भाविकांना बाह्य पार्किंगसह शटल बसचा वापर करून, काही अंतर चालून स्नानघाटात पोहचता येणार आहे. दरम्यान, ट्रेनने येणाऱ्या प्रवाशांसाठीही या सुविधा उपलब्ध असणार आहेत. नाशिकरोड रेल्वे स्थानक, देवळाली कॅम्प, ओढा, खेरवाडी, कसबे-सुकेणे या रेल्वे स्थानकांवरून ही शटल बससेवा सुरू करण्यात येणार आहे. त्यानंतर 1-1.5 किमी पायी चालून स्नानघाटापर्यंत पोहचता येणार आहे.