Mumbai Weather Update: राज्यात उन्हाळ्याची सुरूवात होत असतानाच धुलिवंदनाच्या दिवशीही मुंबईसह अनेक भागांत उकाडा कायम असणार आहे. 3 मार्च 2026चं हवामान कसं असेल?
मुंबईतील हवामान कसं असेल?
हा संपूर्ण आठवडा मुंबईतील तापमान 35 अंश सेल्सिअसच्या आसपास राहणार आहे. आज, 3 मार्च, दिवसभर कमाल तापमान 34 ते 37 अंश सेल्सिअस राहण्याची शक्यता आहे. रात्री तापमानात थोडी घट होऊन गारवा जाणवण्याचीही शक्यता आहे. परंतु, दिवसभर उन्हाचा कडाका कायम राहणार आहे. आज मुंबईतील किमान तापमान 23 अंश सेल्सिअस असून कमाल तापमान 37 अंश सेल्सिअस राहण्याची शक्यता आहे. दिवसभर वातावरण दमट असून निरभ्र व स्वच्छ आकाश असणार आहे.
अटल सेतू ते नवी मुंबई विमानतळ जोडणारा Ulwe Coastal Road, प्रवासात वाचणार 25 मिनिटं; 6.7 किमी मार्ग कुठून-कसा?
येत्या काही दिवसांत बदलणार तापमान?
दरम्यान, 4 मार्च रोजीही तापमानात फारसे बदल होणार नाहीत. किमान तापमान 22 अंश सेल्सिअस असून कमाल तापमान 36 अंश सेल्सिअस राहील. दरम्यान, मंगळवारी मुंबईतील हवेच्या गुणवत्तेत सुधारणा नोंदवण्यात आली आहे. मुंबईतील AQI 88 नोंदवण्यात आलं होतं. गेल्या महिन्याभरात मुंबईत हवेची गुणवत्ता ढासाळली होती. परंतु, 26 फेब्रुवारीपासून अरबी समुद्र आणि बंगालच्या उपसागरातील बदलांमुळे हवेची गुणवत्ता सुधारली होती. मार्च महिना सुरू होताच ती परत कमी होताना दिसून येत आहे.
Sanajay Raut | शरद पवारांसह ठाकरेंचे तीन शिलेदार राज्यसभेवर जाण्यास इच्छुक, राऊतांनी नावं सांगितली
येत्या काही दिवसांत मुंबईतील हवामान प्रामुख्याने स्वच्छ राहण्याची शक्यता आहे. फेब्रुवारीच्या शेवटच्या आठवड्यात अवकाळी पावसाने हजेरी लावली असली तरी सध्या राज्यात पावासाची शक्यता नाहीच. दरम्यान, विदर्भ आणि मराठवाड्यात काही दिवस ढगाळ वातावरण राहील. परंतु, या भागांतही उष्णता वाढणार आहे.
दरम्यान, पश्चिम महाराष्ट्रातही आज दिवसभर हवामान कोरडं राहणार आहे आणि उन्हाचा चटका बसणार आहे. पुणे, सातारा, कोल्हापूर, सांगली परिसरात कमाल तापमान 34 अंश सेल्सिअस दरम्यान राहण्याची शक्यता आहे. किमान तापमान 16 ते 19 अंश सेल्सिअस राहील.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा