काय आहे प्रकरण?

मिळालेल्या माहितीनुसार, ३२ वर्षीय पीडित महिला यशोधरा नगर भागात आपल्या पती व कुटुंबासह राहते. आरोपी हा नात्याने तिचा भाचा असून काही दिवसांपासून तो त्यांच्या घरी ये-जा करत होता. विश्वासाच्या नात्याचा गैरफायदा घेत त्याने महिलेचा विनयभंग केल्याचा आरोप आहे.

नेमकं काय घडलं?

पहिल्यांदा १५ फेब्रुवारी रोजी दुपारच्या सुमारास हा प्रकार घडला. महिला आपल्या बेडरूममधील कपाटातून मुलाचे कपडे काढत होती. त्यावेळी आरोपी बेडवर झोपल्याचे भासवत होता. महिला कपडे घेऊन बाहेर पडत असताना आरोपीने अचानक तिला मागून पकडण्याचा प्रयत्न केला. या अनपेक्षित प्रकारामुळे महिला घाबरली व तिने आरोपीला जाब विचारला. मात्र आरोपीने कोणतेही उत्तर न देता तेथून पळ काढला. त्यावेळी कुटुंबातील इतर सदस्य घरात नसल्याने महिला घाबरली होती; तरीही नातेसंबंधांमुळे तिने तो प्रसंग दुर्लक्षित केल्याचे सांगितले जाते.
Komali : इंजिनिअर प्रियकराशी ब्रेकअप, 21 वर्षीय यूट्यूबर तरुणीने आयुष्य संपवलं, काकाच्या घरात टोकाचं पाऊल

दहा दिवसात दोनदा विनयभंग

यानंतर २४ फेब्रुवारी रोजी सकाळच्या सुमारास पुन्हा महिला घरात एकटी असताना समोरच्या खोलीचा दरवाजा लावत होती. त्याच वेळी बेडरूममध्ये दबा धरून बसलेल्या आरोपीने पुन्हा तिच्या पाठीमागून येत आक्षेपार्ह चाळे केले. या प्रकारामुळे महिला घाबरली, मात्र तिने धैर्य दाखवत आरोपीला जोरात धक्का दिला आणि स्वतःची सुटका करून घेतली. या घटनेनंतर ती प्रचंड मानसिक तणावाखाली होती.
Pune Crime : पुण्यात मसाज पार्लरवर पोलिसांची धाड, इमारतीतून उडी मारल्याने महिलेचा मृत्यू, पतीच्या मागणीनंतर CID चौकशी
सततच्या छळाला कंटाळून अखेर महिलेने यशोधरा नगर पोलीस ठाणे येथे धाव घेत तक्रार दाखल केली. पोलिसांनी तक्रारीची दखल घेत तत्काळ गुन्हा नोंदवून आरोपीला अटक केली. भारतीय दंड संहितेच्या विनयभंगासंदर्भातील विविध कलमान्वये त्याच्यावर गुन्हा दाखल करण्यात आला आहे. पोलीस अधिकाऱ्यांनी दिलेल्या माहितीनुसार, पीडित महिलेच्या तक्रारीवरून गुन्हा नोंदवण्यात आला असून आरोपीला ताब्यात घेण्यात आले आहे. पुढील तपास सुरू आहे.