आज बारामतीत आल्यानंतर युगेंद्र पवार यांनी नटराज नाट्य मंदिरात भरवलेल्या उपमुख्यमंत्री अजित पवार यांच्या छायाचित्रांच्या प्रदर्शनाला भेट दिली. तसेच यावेळी त्यांनी किरण गुजर यांच्यासह इतर पदाधिकाऱ्यांशी देखील चर्चा केली यानंतर त्यांनी पत्रकारांशी संवाद साधला. यावेळी त्यांनी उपमुख्यमंत्री अजित पवार यांच्या विमान अपघातातील घटनाक्रमाचा तपशील सांगितला. दरम्यान युगेंद्र पवार यांनी कंपनी विमान सेवा देण्यामध्ये निष्काळजी पणा दाखवत होती असा आरोप देखील केला. त्यांनी तपासातील दिशा अधिक अचूकपणे स्पष्ट होण्याची गरज असल्याचे मत व्यक्त केले.

दरम्यान युगेंद्र पवार यांना पार्थ पवार व शरद पवार यांच्या राज्यसभेतील खासदारकीच्या उमेदवारी संदर्भात विचारले असता त्यांनी सांगितले की, पार्थ पवार यांची उमेदवारी हा त्यांच्या पक्षाचा अंतर्गत विषय आहे. मात्र पार्थ हे माझे मोठे बंधू असल्याने त्यांना उमेदवारी मिळणार असेल तर मला खूप आनंद आहे. ते निश्चितच राज्यसभेमध्ये खूप उजवी कामगिरी करतील यात शंका नाही असे ते म्हणाले.

Ahilyanagar Crime: पत्नी नांदायला येत नाही म्हणून राग, त्यात सासऱ्याच्या नेहमीच्या धमक्या; अमितने मित्राच्या मदतीने सासऱ्याचा काटा काढला

तसेच शरद पवार यांच्या राज्यसभा उमेदवारी संदर्भात वरिष्ठ निर्णय घेतील साहेब यांच्या अनुभव व त्यांचे कार्य हे अत्यंत मौलिक असून, त्यांच्या अभ्यासाचा देशाला फायदा होत असल्याने सर्वांच्या इच्छेनुसार साहेब हे राज्यसभेत जावेत अशी इच्छा असल्याचे त्यांनी सांगितले.

दोन्ही राष्ट्रवादी एकत्र विलीनीकरणा संदर्भात विचारले असता त्यांनी सांगितले की, ती अजितदादांची इच्छा होती साहेबांच्यासाठी अजित दादांनी दोन्ही पक्ष एकत्र करण्याची भूमिका घेतली आणि नुकत्याच झालेल्या जिल्हा परिषद पंचायत समितीच्या निवडणुकीत तुतारीचे अनेक उमेदवार हे घड्याळाच्या चिन्हावर लढले..! हे सर्वांना माहित आहे. जर एकत्र होणार नसते तर ते का लढले असते, असा सवाल देखील त्यांनी उपस्थित केला.

Sharad Pawar: शरद पवार पुन्हा एकदा केंद्रस्थानी, महायुती मविआचा ‘तो’ उमेदवार पाडणार? ‘दुसरी’ मतं गेम करणार?

मात्र आता विलीनीकरणाचे पुढे काय यावर आमच्या पक्षातील वरिष्ठ नेते सांगू शकतील असे सांगून त्यांनी या विषयावर बोलणे टाळले.