नेमकं काय घडलं?

गतिमंद मुलगी ही गुरुवारी 19 फेब्रुवारी रोजी सकाळी 10 वाजताच्या सुमारास घरातून बाहेर पडली होती. सायंकाळपर्यंत ती परत न आल्यानं कुटुंबीयांनी गावकऱ्यांच्या मदतीने तिचा शोध घेतला मात्र ती दिसली नाही. रात्री उशिरापर्यंत शोध घेऊनही ती सापडली नसल्यानं शोध मोहीम थांबविण्यात आली होती. दरम्यान, शुक्रवारी 21 फेब्रुवारी सकाळी साडेदहा वाजण्यास सुमारास एक स्थानिक व्यक्तीला नदीपात्रात मुलीचा मृतदेह पाण्यावर तरंगताना दिसला. जवळ जाऊन पाहिल्यानंतर ती बेपत्ता असलेल्या मुलीचाच असल्याचं स्पष्ट झालं. मृतदेह निर्वस्त्र अवस्थेत आढळल्याने घटनास्थळी तणावाचं वातावरण निर्माण झालं आहे. घटनेची माहिती मिळताच बोराखेडी पोलीस ठाण्याचे पीएसआय राजेंद्र कपले यांनी सहकार्यांसह घटनास्थळी धाव घेऊन पंचनामा केला. प्राथमिक तपासाबाबत अधिकृत माहिती जाहीर करण्यात आली नसली तरी मृतदेहाची अवस्था पाहता घातपाताची शक्यता नाकारता येत नसल्याचं पोलीस सूत्रांनी सांगितलं आहे. मृतदेह शवविच्छेदनासाठी बुलढाणा येथे पाठविण्यात आला. पोलीस पुढील तपास सुरू आहे.
Chennai Beach Accident : चेन्नईतील बीचवर महाराष्ट्रातील मुलं वाहून गेली, तरुणीचा बुडून मृत्यू, तरुण बेपत्ता, मोठ्या लाटा उसळून अपघाताची शक्यता

लग्नाचं आमिष अन्…

स्त्रियांबाबत कितीही सरकारकडून सुरक्षिततेचे कायदे आणले तरी देखील त्यांच्या अडचणी किंवा त्यांच्यावर होणाऱ्या अत्याचाराच्या घटना कमी होताना दिसत नाहीत. असाच काहीसा प्रकार बुलढाण्यात समोर आला आहे. लग्नाचे आमिष दाखवून चार वर्षे तरुणीशी जबरदस्तीने शारीरिक संबंध ठेवून नंतर लग्नास नकार दिल्याची धक्कादायक घटना बुलढाणा जिल्ह्यातील शेगाव येथे उघडकीस आली आहे. या प्रकरणी संबंधित तरुणाविरुद्ध शेगाव पोलीस ठाण्यात गुन्हा दाखल करण्यात आला आहे. या प्रकरणी पोलिसांचा पुढील तपास सुरू आहे.