परिक्षेला निघतानाच बातमी

धनश्री पवार ही शरदचंद्र पवार प्रशालेत दहावीत शिकत होती. शुक्रवारी मराठीचा पहिला पेपर होता. सकाळी दहा वाजता सोलापुरातील भू. म. पुल्ली कन्या प्रशाला केंद्रावर ती जाणार होती. परीक्षेला निघण्याच्या तयारीत असताना रुग्णालयात डायलिसेसचे उपचार घेत असलेले तिचे वडील भिकाजी पवार यांचे निधन झाले. हे ऐकून ती खचून गेली. अशा दुः खद प्रसंगात परीक्षा देण्याची तिची मानसिकता नव्हती. Chhatrapati Sambhajinagar Accident: मोठ्या थाटामाटात झालं लग्न, पण पहाटे 3 वाजता वऱ्हाडाच्या वाहनाचा भीषण अपघात; 35 प्रवाशांसह टेम्पो उलटला

धनश्रीच्या वडिलांची निधनाची माहिती शाळेतही पोहचली. शाळेचे मुख्याध्यापक तानाजी माने यांनी तिचे वर्ष वाया जाऊ नये यासाठी तिला धीर देत त्यांच्या कुटुंबियांशी संवाद साधला आणि परीक्षा देण्याची विनंती केली. तिला घरातून परीक्षा केंद्रावर पोहोचविले. हा धीर प्राप्त होताच तिने दु:ख बाजूला ठेवत पहिला मराठीचा पेपर दिला. परीक्षा देऊन झाल्यानंतर ती घरी गेली आणि वडिलांचे अंतिम दर्शन घेतले. धनश्रीचा पेपर संपेपर्यंत नातेवाईकांनी तिच्या वडिलांचे अंत्य विधीही थांबवले. धनश्री पेपर सोडवून घरी परतल्यानंतर तिच्या वडिलांवर अंत्यासंस्कार करण्यात आले.

Mumbai-Vijaydurg Ro-Ro Ferry: शिमग्याला कोकणात जाणं होणार सोपं, मुंबई-विजयदुर्ग रो-रो फेरी 1 मार्चपासून; कसं असेल वेळापत्रत?

मुख्याध्यापक केंद्रावर घेऊन गेले

आयुष्यातला टर्निंग पॉईंट म्हणजे दहावीची परीक्षा असते. दहावीची परीक्षा आयुष्याची दिशा ठरविणारी असते. धनश्री पवारने वर्षभर अभ्यास केला होता. सोलापूर शहरातील भू. म. पुल्ली कन्या प्रशाला केंद्रावर तिच्या स्वप्नांची पहिली पायरी उभी होती. पण नियतीने तिच्यावर संकटाचीच परीक्षा लादली. तिच्या वडिलांचे निधन झाले हे कळताच शरदचंद्र पवार प्रशालेचे मुख्याध्यापक व राज्य मुख्याध्यापक संघ महामंडळाचे अध्यक्ष तानाजी माने तिच्या घरी गेले. घरातून तिला गाडीवर बसवून तिला परीक्षा केंद्रात आणले. तिला पेपर सोडविण्यासाठी केंद्रप्रमुख गीता सादूल यांनी धीर दिला.