नेमकं काय घडलं?

पोलिसांनी घटनास्थळाची पाहणी केल्यावर प्रथमदर्शनी अपघात झाल्याचे दिसत आहे. ससून रुग्णालयाचा शवविच्छेदन अहवाल आल्यावर अपघात की घातपात, हे स्पष्ट होणार आहे. अंजुम इस्माइल कुरेशी (४२, कुमार पर्णकुटी, येरवडा) असे मृत्युमुखी पडलेल्या महिलेचे नाव आहे. या प्रकरणी लक्ष्मीनगर पोलिसांनी अकस्मात मृत्यूची नोंद केली आहे.सोसायटीमध्ये मागील काही काळापासून पाण्याची मोठी समस्या आहे. त्यामुळे सोसायटीमधील रहिवाशांना वेगवेगळ्या मार्गाने पाण्यासाठी त्रास सहन करावा लागतो. कुरेश, त्यांची मुलगी घरात होते. कुरेशी स्वयंपाकघरात खुर्चीवर उभ्या राहून पाइप पाण्याच्या टाकीतून काढत होत्या. त्यावेळी खुर्ची सरकली आणि ओट्यावर जोरात आपटल्या. मानेला जोराचा मार बसल्याने त्या जागीच मृत्यू झाला. पडल्याचा आवाज आल्याने मुलगी धावून आल्यावर आई पडलेली दिसली. मुलीने शेजाऱ्यांना माहिती दिल्यावर पोलिसांना कळविण्यात आले.
Sahil Dhaneshra : रील शूट करताना धडक, 23 वर्षीय तरुणाचा मृत्यू, अल्पवयीन आरोपी दहावीच्या परीक्षेसाठी जामिनावर, हतबल आई रडत म्हणाली…

नऱ्हेत चारचाकी अंगावरून गेल्याने तरुण जखमी

दुसरीकडे, सिंहगड रस्त्यावरील नऱ्हे गाव परिसरात रस्त्यावर साचलेल्या पाण्यामुळे आणि खड्ड्यामुळे एक तरुण दुचाकीवरून घसरून रस्त्यावर पडला. त्याच वेळी मागून येणाऱ्या चारचाकी वाहनाने त्याला चुकवण्याचा प्रयत्न केला; परंतु वाहन त्याच्या अंगावरून गेल्याने तो गंभीर जखमी झाला. संतोष कानामुद्रा (वय ३६ रा. रॅली कोन विश्व, नऱ्हे) असे जखमी तरुणाचे नाव आहे.
Mumbai Crime : चुलतभावाचा जीव घेतल्याबद्दल आजन्म सक्तमजुरीची शिक्षा, सात वर्षांनी निर्दोष मुक्तता, मुंबई हायकोर्टाचा निर्णय
चेंबरमधील मैलापाणी रस्त्यावर वाहत असल्याने आणि रस्त्यावर मोठे खड्डे पडल्याने हा अपघात झाल्याची माहिती समोर आली आहे. घटनेनंतर परिसरात मोठी गर्दी जमली होती. स्थानिक नागरिकांनी तत्काळ मदतकार्य करून जखमीला रुग्णालयात हलवले. संबंधित व्यक्तीची प्रकृती स्थिर आहे. स्थानिक नागरिकांकडून प्रशासनाविरोधात तीव्र संताप व्यक्त करण्यात येत आहे. वारंवार तक्रारी करूनही चेंबर ओव्हरफ्लो आणि रस्त्यावरील खड्ड्यांचा प्रश्न कायम असल्याचा आरोप करण्यात येत आहे. नागरिकांनी तत्काळ दुरुस्ती करून अशा घटनांना आळा घालण्याची मागणी केली आहे.