अमेरिका आणि इराणमधील संघर्ष आता शिगेला पोहोचला आहे. अमेरिका आणि इराणमध्ये सुरू असलेल्या संघर्षामुळे मध्य पूर्वेत मोठा तणाव निर्माण झाला आहे. आता एक मोठी बातमी समोर आली आहे, ती म्हणजे अमेरिकेनं मोठा निर्णय घेतला आहे, अमेरिकेनं जगातील सर्वात मोठं एअरक्राफ्ट कॅरिअर यूएसएस गेराल्ड आर. फोर्ड पश्चिम आशियामध्ये पाठवण्याचा निर्णय घेतला आहे. आधीच अमेरिकेचं एक जहाज या ठिकाणी तैनात आहे. त्यानंतर आता डोनाल्ड ट्रम्प यांनी यूएसएस गेराल्ड आर. फोड देखील इराणच्या दिशेनं पाठवण्याचा निर्णय घेतला आहे. डोनाल्ड ट्रम्प यांच्या या निर्णयाकडे आता संपूर्ण जगाचं लक्ष लागलं आहे. अमेरिकेनं जेव्हा व्हेनेझुएलावर हल्ला करून व्हेनेझुएलाचे राष्ट्रपती निकोलस मादुरो यांना अटक केली होती, त्या मोहिमेमध्ये देखील या विमान वाहू युद्धनौकेची महत्त्वाची भूमिका होती. ही युद्धनौका अमेरिकेच्या युद्धमोहिमेचा प्रमुख भाग होती.

दरम्यान डोनाल्ड ट्रम्प यांच्या या नव्या निर्णयामुळे जगाची झोप उडाली आहे, काही आंतरराष्ट्रीय तज्ज्ञांच्या मते हा अमेरिकेकडून इराणवर दबाव बनवण्याचा एक भाग आहे, असं बोललं जात आहे, तर काही तज्ज्ञांच्या मते आता अमेरिका थेट इराणवर हल्ला करणार असल्याचा अंदाज व्यक्त केला जात आहे. अमेरिकेतली काही प्रमुख सैन्य अधिकाऱ्यांच्या हवाल्यानं समोर आलेल्या माहितीनुसार अमेरिकेचं हे विमान वाहू जहाज यूएसएस गेराल्ड आर. फोर्ड कॅरिबियन समुद्रात मध्य पूर्वेत तैनात केलं जाणार आहे. तर दुसरीकडे अब्राहम लिंकन एअरक्राफ्ट कॅरिअर दोन आठवड्यापूर्वीच तिथे पोहोचलं आहे. या दोन जहाजांमुळे आता अमेरिकेच्या नौदल क्षमतेमध्ये मोठ्या प्रमाणात वाढ झाली आहे.

या महिन्याच्या सुरुवातीलाच डोनाल्ड ट्रम्प यांनी यासंदर्भात संकेत दिले होते, त्यानंतर आता अमेरिकेनं मोठा निर्णय घेतला आहे. दरम्यान दुसरीकडे अमेरिकेच्या उपराष्ट्रपतींनी काही दिवसांपूर्वीच आर्मेनियाचा देखील दौरा केला आहे. अर्मेनिया हे इराणच्या शेजारी राष्ट्र आहे. अर्मेनिया आणि इराणमध्ये 44 किलोमीटरची सीमा आहे. पाकिस्तान, तुर्की आणि इराणच्या इतर शेजारी राष्ट्रांनी इराणवर हल्ला करण्यासाठी आपला बेस वापरू देण्यास अमेरिकेला नकार दिला आहे, त्यामुळे आता अमेरिकेला आर्मेनियाकडून या संदर्भात अपेक्षा असल्यानं हा दौरा महत्त्वाचा मानला जात आहे.अमेरिकेच्या या निर्णयामुळे इराणचे सर्वोच्च नेते खामेनेई यांचं टेन्शन वाढण्याची शक्यता आहे.