लंडन, सिंगापूरमध्ये असा कर

जास्त वाहतूक असलेल्या भागांमध्ये येणाऱ्या खासगी वाहनांवर कर आकारावा. शहरातील वाहतूककोंडी असलेले भाग ओळखून त्या ठिकाणी हा कर लागू करण्याबाबत चर्चा करून गर्दीच्या भागात प्रवेश करणाऱ्या वाहनांकडून शुल्क आकारावे, अशी मागणी नार्वेकर यांनी केली आहे. लंडन आणि सिंगापूरसारख्या दाट लोकवस्तीच्या व्यावसायिक भागांमध्ये ही पद्धत यशस्वीपणे राबवली जात आहे.Konkan Railway: लोकलपाठोपाठ कोकण रेल्वेचं वेळापत्रकही कोलमडलं, तेजस एक्सप्रेस सहा तर मांडवी तीन तास विलंबाने; प्रवाशांचे मोठे हाल

महापालिकेने या उपक्रमासाठी पुढाकार घेऊन या कराच्या वसुलीसाठी निधी उपलब्ध करून द्यावा. तपासणी केंद्रांवर फास्टॅगद्वारे स्वयंचलित शुल्क वसुलीची सुविधा असावी. आगामी अर्थसंकल्पात ही योजना जाहीर करून पायलट प्रकल्प म्हणून राबवता येईल, असे त्यांनी पत्रात नमूद केले आहे.

अलीकडेच सादर करण्यात आलेल्या आर्थिक सर्वेक्षण अहवालात वाहतूककोंडी कमी करण्यासाठी, प्रदूषण घटवण्यासाठी आणि गतिशीलता सुधारण्यासाठी कोंडी शुल्काची शिफारस करण्यात आली आहे. त्यामुळे दक्षिण मुंबईसारख्या गर्दीच्या सेंट्रल बिझनेस डिस्ट्रिक्टमध्ये ही योजना पायलट प्रकल्प म्हणून राबवता येईल, असे त्यांनी मागणीपत्रात नमूद केले आहे.

Mahim-Bandra Flyover: पश्चिम द्रुतगती मार्गावरील कोंडी फुटणार, खाडीवरील पुलामुळे दादर, खार, सांताक्रूझ प्रवाशांना दिलासा; पण तीन वर्षे पूल कागदावरच

कोणत्या वेळेत लावणार कर?

हा कर अनावश्यक वाहन वापराला आळा घालेल. गर्दीच्या वेळेत (सकाळी ८ ते ११ आणि संध्याकाळी ५ ते ८) प्रति प्रवेश ५० ते १०० रुपये इतका कर आकारता येईल. उच्च वाहतूक क्षेत्रे सध्याच्या सीसीटीव्ही आणि एएनपीआर (स्वयंचलित क्रमांक प्लेट ओळख प्रणाली) कॅमेऱ्यांच्या मदतीने निश्चित करता येतील. या उपक्रमातून दरवर्षी अंदाजे दोनशे ते तीनशे कोटी रुपयांचा महसूल मिळू शकतो, असे त्यांनी सांगितले.