‘मुंबईतील घनकचऱ्याचे प्रभावी व्यवस्थापन करण्यासाठी मुंबई महापालिकेच्या घनकचरा व्यवस्थापन विभागाकडून प्रयत्न केले जात आहेत. याच अनुषंगाने, मुंबई महानगरात निर्माण होणाऱ्या किंवा आणल्या जाणाऱ्या ओल्या व सुक्या कचऱ्याचे वर्गीकरण व प्रक्रिया यासंबंधी सर्व बाबींचे नियमन करण्याच्या हेतूने तसेच केंद्र शासनाच्या पर्यावरण, वन व वातावरणीय बदल विभागाने जारी केलेल्या घनकचरा व्यवस्थापन नियम, २०१६च्या पार्श्वभूमीवर, महापालिकेकडून घनकचरा (व्यवस्थापन आणि हाताळणी), स्वच्छता आणि स्वच्छताविषयक उपविधी-२०२५ जारी करण्यात आला आहे’, असे अतिरिक्त महानगरपालिका आयुक्त (शहर) डॉ.अश्विनी जोशी यांनी सांगितले.

Railway Budget: 48 मिनिटांत मुंबई-पुणे, लोकल-कोकण रेल्वेच्या फेऱ्या वाढणार; दोन बुलेट ट्रेन… राज्यातील रेल्वेला 23 हजार कोटींचं बूस्ट

उपविधीतील नियम कचरा निर्माण करणारे सर्व व्यक्ती, सार्वजनिक व खासगी ठिकाण; निवासी, व्यापारी, वाणिज्यिक, व्यावसायिक, औद्योगिक, शासकीय, निमशासकीय, प्रशासकीय, शैक्षणिक, धार्मिक, मनोरंजनात्मक, सामाजिक तसेच इतर सर्व प्रकारच्या वापराच्या स्थळांसाठी लागू असतील.

BMC Standing Committee: स्थायी, सुधार समितीत सत्ताधाऱ्यांची सद्दी, मुंबई महापालिकेत महायुतीसाठी बहुमताचा मार्ग मोकळा; काय आहे नवा प्लॅन?

दंड किती ?

• खुल्या आणि सार्वजनिक जागांवर आंघोळ (रु. ३००), लघवी करणे (रु. ५००), शौच करणे (रु.५००), मोकळ्या जागी व सार्वजनिक ठिकाणी प्राणी किंवा पक्ष्यांना खाद्य देणे (रु.५००), सार्वजनिक ठिकाणी भांडी, कपडे, इतर कोणत्याही वस्तू धुणे (रु.३००), वाहन धुणे (रु.५००)
• कचरा वर्गीकरण न करता व स्वतंत्र डब्यांमध्ये साठवून न ठेवता सुपूर्द केल्यास पहिल्या गुन्ह्यासाठी (वैयक्तिक रु. २०० आणि मोठ्या प्रमाणात कचरा निर्मिती करणाऱ्यांसाठी रु. १०००)
• अनधिकृत किंवा नियुक्त नसलेल्या ठिकाणी बांधकाम व पाडकाम कचरा अस्ताव्यस्तपणे टाकणे (प्रतिवाहन रु. २०,०००), विनापरवाना बांधकाम व पाडकाम कचऱ्याची वाहतूक करणे (प्रतिवाहन रु. २५,०००)

• बागेतील कचरा व झाडांची छाटणी निर्दिष्ट केल्याप्रमाणे न करणे (रु.२००), व्यावसायिक कारणांसाठी / मोठ्या प्रमाणात कचरा जाळणे (रु.१०,०००)
• मासे, कुक्कुटपालन आणि मांसविषयक कचरा स्वतंत्रपणे वर्गीकरण करून न देणे (रु.७५०), कंटेनर, कचरा टोपली, कचरापेटी नसलेले विक्रेते, फेरीवाल्यांसाठी (रु.७५०), कचरा स्वतंत्रपणे वर्गीकरण करून न देणारे विक्रेते, फेरीवाले (रु.७५०)
• घरासमोरील गटार (घराचा नाला) स्वच्छ न ठेवणे (रु.५००), पाळीव प्राण्यांनी कचरा पसरवणे/शौच करणे (रु.१०००), सार्वजनिक मेळावा, कार्यक्रमानंतर ४ तासांच्या आत स्वच्छता न केल्यास स्वच्छता ठेव जप्त करणे अशी कारवाई होईल.