एलसीबीचा सजग तपास; आरोपींची साखळी उघड

गंभीर स्वरूपाचा गुन्हा लक्षात घेता, पोलिस अधीक्षक सोमनाथ घार्गे यांनी स्थानिक गुन्हे शाखेला तपासाचे आदेश दिले. पोलिस निरीक्षक किरणकुमार कवाडी यांच्या मार्गदर्शनाखाली पथकाने गोपनीय माहितीच्या आधारे तपोवन रोड येथे सापळा रचून मुख्य आरोपी शुभम बडे याला अटक केली. चौकशीत त्याने दोन तरुणी व अन्य साथीदारांच्या मदतीने गुन्हा केल्याची कबुली दिली. अटक केलेले आरोपी शुभम शहादेव बडे (वाणीनगर, सावेडी),सोहेल पापाभाई सय्यद (देवटाकळी, शेवगाव),अशपाक नासिर पठाण (यशवंतनगर, भिंगार),वैष्णवी राजेंद्र उनवने (भगवान बाबा चौक, अहिल्यानगर),रुपाली गजानन बनकर (एमआयडीसी, अहिल्यानगर) चोरीचे दागिने खरेदी करणारा सराफ सुरज प्रदीप शहाणे (शास्त्रीनगर, केडगाव) यालाही पोलिसांनी ताब्यात घेतले आहे. चोरीचे दागिने सराफाकडे विक्री चौकशीत आरोपींनी लुटलेले दागिने सराफाला विकल्याचे उघड झाले. सुरुवातीला उडवाउडवीची उत्तरे देणाऱ्या सराफाने पोलिसी खाक्या दाखवताच मुद्देमाल काढून दिला.

गोवा ट्रिप, मौजमजा आणि थेट अटक

हनिट्रॅपद्वारे लूट केल्यानंतर आरोपी थेट गोवा ट्रिपला गेले. समुद्रकिनाऱ्यावर मौजमजा करून नगरमध्ये परतताच एलसीबीच्या पथकाने झडप घालून सर्वांच्या मुसक्या आवळल्या. सराईत गुन्हेगारांचा सहभाग मुख्य आरोपी शुभम बडे याच्यावर तोफखाना पोलिस ठाण्यात गंभीर गुन्हे दाखल आहेत. तर अशपाक पठाण याच्यावर भिंगार पोलिस ठाण्यात दोन गुन्हे नोंद आहेत. अनेकांना गंडवल्याचा संशय आरोपींनी यापूर्वीही पाच ते सहा जणांना अशाच पद्धतीने गंडवल्याची शक्यता पोलिसांनी व्यक्त केली आहे. इज्जतीच्या भीतीने अनेकांनी तक्रार दिली नसावी, असा संशय आहे.

फसवणूक झालेल्यांनी निर्भयपणे पोलिसांशी संपर्क साधावा

पोलिस निरीक्षक, स्थानिक गुन्हे शाखा किरणकुमार कबाडी यांनी सांगितले की हनिट्रॅपसारखा गंभीर प्रकार उघडकीस आला आहे. अन्य काही पीडित पुढे येण्याची शक्यता आहे , फसवणूक झालेल्यांनी निर्भयपणे पोलिसांशी संपर्क साधावा.