असा झाला रॅकेटचा पर्दाफाश….

सिटी चौक पोलीस ठाण्यात दाखल असलेल्या गुन्ह्याचा तपास करत असताना, या तस्करीचा मुख्य दुवा लातूरमध्ये असल्याचे पोलिसांना समजले. ‘मराठवाडा मेडिकल’चा मालक सय्यद शाहीद अली (वय ३०) हा या अमली सिरपचा मुख्य पुरवठादार असल्याची गोपनीय माहिती मिळताच, गुन्हे शाखेचे पथक लातूरला रवाना झाले. पोलिसांनी गंजगोलाई परिसरात सापळा रचून आरोपीला ताब्यात घेतले आणि त्याच्या माहितीवरून एका ट्रान्सपोर्ट गोदामातून ३४ बॉक्स जप्त केले.

फरार आरोपीचा शोध सुरू….

तपासात धक्कादायक बाब समोर आली आहे की, हा साठा संभाजीनगरमधील रेकॉर्डवरील फरार आरोपी अशपाक पटेल याला दिला जाणार होता. अशपाक पटेल हाच या गुन्ह्याचा मुख्य सूत्रधार असल्याची शक्यता वर्तवण्यात येत आहे. ही कारवाई पोलीस आयुक्त प्रवीण पवार आणि गुन्हे शाखेचे वरिष्ठ पोलीस निरीक्षक गजानन कल्याणकर यांच्या मार्गदर्शनाखाली करण्यात आली. त्यामुळे या कारवाईमुळे आता पुढील काळात आणखी काही घडामोडी घडतात का याकडे सर्वांचे लक्ष लागले आहे.

Anjali Bharti : अंजली भारतीला अमृता फडणवीसांवरील वक्तव्य भोवणार? भाजपची मोठी मागणी

महामार्गावर टँकरमुळे अपघात; दोन जण जखमी

महामार्गावर डिव्हायडरमधील झाडांना पाणी देताना आयआरबीकडील पाण्याचा टँकर थेट रस्त्याच्या मधोमध उभा केला जातो. यावेळी कोणतेही सूचना फलक लावले जात नाहीत, ब्लिंकर नाही, वाहतूक नियंत्रण नाही. त्यामुळे नियमांना पूर्णपणे हरताळ दिसून येते.

दरम्यान याच गलथानपणामुळे रांजणी ता. गेवराई येथे धुळे सोलापूर महामार्गावर ओव्हरटेक करताना कार टँकरला पाठीमागून धडकली. सुदैवाने जीवितहानी टळली, पण कारचे मोठे नुकसान झाले आणि कारमधील दोघे जण जखमी झाले.