“आमच्या पक्षात हिंदू बांधवही निवडून आलेत”
एमआयएमवर होणाऱ्या जातीयवादाच्या आरोपांना उत्तर देताना जलील म्हणाले, “आम्ही सर्व जाती-धर्माच्या लोकांना सोबत घेऊन पुढे जात आहोत. मुंबईत आम्ही विजय उबाळे या हिंदू बांधवाला मुस्लीम बहुल भागातून निवडून आणले आणि त्यांना गटनेताही बनवले. मुंब्र्यातून मयूर सारंग निवडून आले आहेत. राज्यातील १२५ जागांवर आमचे अनेक हिंदू उमेदवार विजयी झाले आहेत. हा पराभव पचवणे विरोधकांना कठीण जात असल्याने ते आमची बदनामी करत आहेत.”
भाजप आणि किरीट सोमय्यांवर हल्लाबोल
“सहरच्या वक्तव्यावर रान पेटवणारे पोलीस नितेश राणे जेव्हा मशिदीत घुसून मारण्याची भाषा करतात, तेव्हा गप्प का असतात? त्यांच्यासाठी कायदा वेगळा आहे का? जर तोतला पुन्हा मुंब्र्यात आला, तर त्याची ‘ब्लू फिल्म’ चौकात दाखवू,” असे विधान करत त्यांनी किरीट सोमय्यांना अप्रत्यक्षपणे टोला लगावला आहे.
“हिरवा रंग काय दहशतवादी शब्द आहे का?”
एकनाथ शिंदे यांच्यावर टीका करताना जलील म्हणाले, “उपमुख्यमंत्री म्हणतात ठाणे जिल्हा भगवा आहे, मग सहरने मुंब्रा हिरवा करू म्हटले तर ते अयोग्य कसे? हिरवा हा समृद्धीचा रंग आहे, तो काय आतंकी शब्द आहे का? आम्ही येणाऱ्या काळात संपूर्ण महाराष्ट्र हिरवा (एमआयएममय) करून दाखवू.”
दरम्यान, यावेळी त्यांनी नवनीत राणा यांच्या रणनीतीवरही टीका केली. “पहिले हिरव्याला संपवा, मग निळ्याला दलितांना बघू, ही भाजपची चाल आहे,” असा आरोप त्यांनी केला. इम्तियाज जलील यांच्या या आक्रमक पवित्र्यामुळे आगामी काळात मुंब्रा आणि ठाण्याचे राजकारण अधिक तापण्याची शक्यता आहे.