पत्र्याच्या शेडला भीषण आग, विवाहितेचा होरपळून मृत्यू

घटनास्थळी आणि सांगली पोलिसांकडून मिळालेली माहिती अशी की, शहरातील शंभर फुटी रोडवर चौकात एक नर्सरी आहे. देखभालीसाठी कर्नाटकातील एक दाम्पत्य या ठिकाणी राहत होते. आज शुक्रवारी रात्री साडेदहा वाजण्याच्या सुमारास ते राहत असलेल्या पत्र्याच्या शेडला भीषण आग लागली. धुराचे मोठे लोट येऊ लागले. बघता – बघता काही क्षणात आगीने रौद्ररूप धरण केले. रस्त्यावरून येणाऱ्या जाणाऱ्या नागरिकांच्या निदर्शनास सदरची घटना येताच त्यांनी तातडीने अग्निशमन दलाला सदरच्या घटनेची माहिती दिली.
Crime News: बाजारात गाठलं अन् सर्वांसमोर दिराने विधवा वहिनीला संपवलं; पळून जाताना कुत्री मागे लागली, काहीच अंतरावर…
अग्निशमन दलाने क्षणाचाही विलंब न करता घटनास्थळी धाव घेत आगीवर नियंत्रण मिळवले. यावेळी सुनील माळी, प्रसन्न पाटील, दत्त पाटील, सुरेश अलगुर यांच्या पथकाने धाव घेतली. मात्र, या भीषण आगीत महिलेचा होरपळून मृत्यू झाला होता.
Crime News: बॉयफ्रेंडच्या मदतीने पतीला संपवलं, रात्रभर बॉडीशेजारी बसून ‘तसले’ VIDEO पाहिले, सकाळी म्हणाली – त्यांना तर…

दरवाजाला कडी लाऊन पतीचे पलायन

100 फुटी रस्त्यावरील कोळी यांच्या मयुर नर्सरीत असणाऱ्या शेडमध्ये दाम्पत्य राहत होते. आगीच्या घटनेनंतर मृत महिलेचा पती घटनास्थळावरून पसार झाल्याचे पोलिसांनी सांगितले. पत्र्याच्या शेडला बाहेरून कडी लावली होती. अग्निशमन दलाच्या जवानांनी पत्र्याचे शेड उचकटून आत प्रवेश करत आगीवर नियंत्रण मिळवले. ही घटना संशयास्पद असल्याचे प्रथमदर्शनी दिसून येते त्या अनुषंगाने पोलिसांनी तपासाची चक्रे फिरवण्यास सुरुवात केली आहे. घटनास्थळी बघ्यांची मोठी गर्दी झाली होती.