किरकोळ वाद विकोपाला गेला

विनोद रामचंद्र जाधव आणि पुतण्या गोपाल अजबराव जाधव यांच्यामध्ये बुधवारी (21 जानेवारी) सायंकाळी किरकोळ वाद झाला होता. वाद एवढा विकोपाला गेला की, रात्री आरोपी विनोद जाधव याने गोपाल जाधव याच्या डोक्यात आणि छातीवर कुऱ्हाडीने वार करून जखमी केले, ज्यामध्ये गोपालचा जागीच मृत्यू झाला.
Crime News: शरीर संबंधासाठी हट्ट, शेतकऱ्याला संपवलं; क्राइम शो पाहून ‘परफेक्ट प्लॅनिंग’, पण एक चूक अन् माय-लेक अडकले
मृत तरुण हा घरात झोपलेला असताना त्याच्यावर वार करण्यात आल्याची माहिती आहे. या घटनेनंतर आरोपी विनोद जाधव हा फरार झाला होता, मात्र चिखली पोलिसांनी अवघ्या दोन तासातच आरोपीचा शोध घेत त्याला अटक केली आहे. घटनेची माहिती मिळताच गावकऱ्यांनी तात्काळ चिखली पोलिसांना कळवलं. मात्र, पोलिस येत असल्याची खबर आरोपी याला लागताच तो अंधाराचा फायदा घेत घटनास्थळावरून फरार झाला. अंधारात तो मक्याच्या शेतात लपून बसल्याचं समोर आलं. चिखली पोलिसांनी कसून शोध मोहीम राबवत अवघ्या दोन तासांत आरोपीला शेतातून ताब्यात घेतलं.

ही धडक करावाई जिल्हा पोलीस अधीक्षक निलेश तांबे, अप्पर पोलीस अधीक्षक अमोल गायकवाड, उपविभागीय पोलीस अधिकारी सुधीर पाटील यांच्या मार्गदर्शनात चिखली पोलीस स्टेशनचे ठाणेदार भूषण गावंडे, पोलीस उपनिरीक्षक शरद भागवतकर, उपनिरीक्षक नितीनसिंग चव्हाण, विजय किटे बिट जमदार अनिल वाघ, डी बी पथक अमोल गवई, प्रशांत धंदर, राहुल पायघन, अजय इटावा, अमोल इंगळे यांनी केली. आरोपीला अटक करण्यात आले असून पुढील तपास सुरु आहे