नांदेड महापालिका निवडणुकीत भाजपने एकूण ८१ पैकी ४५ जागा जिंकत स्पष्ट बहुमत मिळवले आहे. एमआयएम पक्षाला १४, काँग्रेसला १०, वंचित बहुजन आघाडीला ५, शिवसेना शिंदे गटाला ४ तर राष्ट्रवादी काँग्रेस अजित पवार गटाला २ जागा मिळाल्या आहेत. या निवडणुकीत भाजपने माजी मुख्यमंत्री अशोक चव्हाण यांच्या नेतृत्वाखाली प्रचाराची धुरा सांभाळली होती. त्यांच्या नेतृत्वाखाली भाजपने पहिल्यांदाच नांदेड महापालिकेवर सत्ता मिळवत इतिहास रचला आहे.
BMC Mayor Lottery : याला म्हणतात नशीब! ठाकरेंची साथ सोडणाऱ्या महिला नेत्याच्या गळ्यातच महापौर पदाची माळ?
स्पष्ट बहुमत मिळाल्यामुळे महापौर, उपमहापौर आणि गटनेतेपद भाजपकडे जाणे निश्चित झाले आहे. आज कनकदंडे यांची निवड करण्यात आली आहे. महेश कनकदंडे हे माजी मुख्यमंत्री अशोक चव्हाण यांचे विश्वासू आणि अभ्यासू नगरसेवक मानले जातात. दोन वेळेस काँग्रेस आणि एक वेळेस भाजप असे सलग तीन टर्म ते नगरसेवक पदी निवडून आले आहेत. खासदार अशोक चव्हाण हे भाजपात आल्यानंतर त्यांनी पण भाजपात प्रवेश केला होता. भाजपकडून प्रभाग क्रमांक ५ मधून त्यांना संधी देण्यात आली होती, त्यात ते विजयी झाले. दरम्यान गटनेता पदी भाजप गटातील नगरसेवकाला संधी मिळणार अशी चर्चा सुरु होती, मात्र निष्ठावंताना डावलण्यात आल्याने राजकीय वर्तुळात चर्चेचा विषय बनला आहे.
KDMC Election : ‘आमच्या 4 नगरसेवकांना डांबून ठेवलं’, ठाकरेंच्या जिल्हाप्रमुखांचा आरोपांचा बॉम्ब, राजकारणात खळबळ

भाजपाकडून महापौर पदाची लॉटरी कोणाला

नांदेड महापालिकेत ८१ पैकी ४५ जागा जिंकून भाजपाने एकहाती सत्ता मिळवली. आज आरक्षण सोडतीत नांदेड माहापलिकेचे महापौर पद सर्व साधारण महिला प्रवर्गासाठी आरक्षित झाले आहे. भाजपाकडून सर्व साधारण महिला प्रवर्गातून एकूण १२ उमेदवार निवडून आले आहेत. त्यापैकी चार जणांची नावं महापौर पदासाठी स्पर्धेत आहेत. ज्योती कल्याणकर, सुदर्शना खोमने, वैशाली देशमुख आणि कविता मुळे या चार जणांची नावे सद्या चर्चेत आहेत. दरम्यान गटनेते पदी चव्हाण समर्थकांची निवड झाल्याने आता महापौर पदासाठी ही त्यांच्याच गटातील एखाद्या नावावर शिक्कामोर्तब होणार का, की भाजपच्या जुन्या निष्ठावंत नगरसेवकाला संधी दिली जाणार, याबाबत उत्सुकता वाढली आहे.