बंडाचे मुख्य कारण:

आमदार बोरनारे विरुद्ध भाजप संघर्ष….
वैजापूरमधील भाजप कार्यकर्त्यांचा रोष प्रामुख्याने शिवसेना (शिंदे गट) आमदार रमेश बोरनारे यांच्यावर आहे. कार्यकर्त्यांनी मंत्री अतुल सावे यांची गाडी अडवून आपली कैफियत मांडली. यावेळी कार्यकर्त्यांनी खालील गंभीर आरोप केले.

चित्रा वाघ यांचा अपमान

आमदार बोरनारे यांनी भाजपच्या ज्येष्ठ नेत्या चित्रा वाघ यांच्याबद्दल अत्यंत आक्षेपार्ह आणि अपशब्द वापरले होते, असा दावा कार्यकर्त्यांनी केला आहे.

भाजप नेत्यांवर टीका

नगरपरिषद निवडणुकांमध्ये बोरनारे यांनी भाजपच्या स्थानिक नेतृत्वावर टोकाची टीका केली होती. ज्या नेत्याने सातत्याने भाजपचा अपमान केला, त्याच नेत्याचा प्रचार करणे कार्यकर्त्यांना मान्य नाही, असे त्यांनी स्पष्टपणे बजावले.

Jaykumar Gore vs Praniti Shinde: ‘बापाने काँग्रेस वाढवली, पोरीने वाटोळं केलं’; जयकुमार गोरेंनी प्रणिती शिंदेंवर पुन्हा डागली तोफ

‘शहर विकास आघाडी’चा नवा पर्याय

केवळ विरोध करून न थांबता, कार्यकर्त्यांनी आता निवडणुकीच्या मैदानात उतरण्याची तयारी केली आहे. जर पक्षश्रेष्ठींनी वैजापूरमध्ये युती कायम ठेवली, तर भाजपचे निष्ठावंत कार्यकर्ते एकत्र येऊन ‘वैजापूर शहर विकास आघाडी’ नावाने स्वतंत्रपणे निवडणुका लढवतील. हा पवित्रा महायुतीच्या अधिकृत उमेदवारांसाठी मोठी डोकेदुखी ठरणार आहे.

मंत्री अतुल सावे यांची कोंडी…

संतप्त कार्यकर्त्यांनी मंत्री अतुल सावे यांना घेरून “युती तोडा, स्वबळावर लढा” अशा घोषणा दिल्या. यावेळी कार्यकर्त्यांनी आपल्या भावनांची तीव्रता सांगताना, “आम्ही घरबसल्या काम करणार नाही, तर स्वतंत्र पर्याय देऊन आमची ताकद दाखवून देऊ,” असा इशारा दिला. सावे यांनी कार्यकर्त्यांना शांत करण्याचा प्रयत्न केला, मात्र वैजापूरमधील भाजप सैनिकांचा आक्रमक पवित्रा कमी झालेला नाही.

निवडणुकीवर काय परिणाम होणार?

वैजापूरमध्ये भाजपची स्वतःची मोठी व्होट बँक आहे. अशा परिस्थितीत जर निष्ठावंत कार्यकर्त्यांनी ‘शहर विकास आघाडी’च्या माध्यमातून उमेदवार उभे केले, तर मतांचे विभाजन होऊन महायुतीला याचा मोठा फटका बसू शकतो. आता भाजपचे वरिष्ठ नेतृत्व या ‘बंडाची’ परिस्थिती लक्षात घेऊन काही ठोस निर्णय घेणार का, हे पाहणे महत्त्वाचे ठरेल.