विश्वासाला तडा आणि क्रूरतेचा कळस

मिळालेल्या माहितीनुसार, स्वप्नील मधुकर दांडगे (वय २२) हा नराधम पीडित तरुणीच्याच वसाहतीत राहत होता. त्याने गोड बोलून पीडितेशी जवळीक साधली आणि तिला लग्नाचे स्वप्न दाखवले. लग्नाच्या आणाभाका घेतल्यामुळे पीडितेने त्याच्यावर अंधविश्वास ठेवला. याच विश्वासाचा गैरफायदा घेत स्वप्नीलने तिच्यावर वारंवार शारीरिक अत्याचार केले. या नराधमाच्या वासनेमुळे पीडित तरुणी गर्भवती राहिली. जेव्हा तिने ही बाब स्वप्नीलला सांगितली आणि लग्नासाठी तगादा लावला, तेव्हा त्याचे खरे रूप समोर आले.

गर्भवती राहताच नराधम पसार

पीडितेने लग्नासाठी विचारणा केल्यावर तिची जबाबदारी स्वीकारण्याऐवजी स्वप्नीलने क्रूरतेची सीमा ओलांडली. त्याने पीडितेला जबरदस्तीने गर्भपाताच्या गोळ्या आणून दिल्या. या गोळ्यांच्या सेवनामुळे पीडितेची प्रकृती कमालीची बिघडली. तिला प्रचंड रक्तस्त्राव सुरू झाला आणि ती वेदनेने विव्हळू लागली.

Corporator Salary : तुमच्या नगरसेवकाला किती पगार मिळतो, कोणत्या सुविधा मिळतात? स्वेच्छा निधीचा आकडा माहितीये का?

आपलं पाप उघडकीस येईल या भीतीने स्वप्नीलने मदतीऐवजी आपला मोबाईल बंद केला आणि तो शहरातून फरार झाला. मृत्यूच्या दारात असलेल्या प्रेयसीला सोडून हा नराधम पळून गेला.

अ‍ॅट्रॉसिटीसह बलात्काराचा गुन्हा दाखल

पीडितेच्या नातेवाईकांना हा प्रकार समजताच त्यांनी तिला तातडीने रुग्णालयात दाखल केले, जिथे तिच्यावर उपचार सुरू आहेत. या घटनेनंतर पीडितेने हिंमत एकवटून मुकुंदवाडी पोलीस ठाणे गाठले. पोलिसांनी परिस्थितीचे गांभीर्य ओळखून आरोपी स्वप्नील दांडगे विरोधात बलात्कार आणि अ‍ॅट्रॉसिटी कायद्यांतर्गत गंभीर गुन्ह्यांची नोंद केली आहे.

संभाजीनगरमध्ये या घटनेमुळे संतापाची लाट पसरली असून, पोलिसांनी आरोपीच्या शोधासाठी पथके रवाना केली आहेत. प्रेमाच्या नावाखाली मुलींच्या आयुष्याशी खेळणाऱ्या अशा विकृतांना कठोर शिक्षा व्हावी, अशी मागणी आता जोर धरत आहे.