सर्वसामान्य कुटुंबातील अकिला भागानगरी थेट महानगरपालिकेच्या सभागृहात प्रवेश केला आणि लोकशाहीला नवा चेहरा दिला. निवडणुकीच्या प्रचारात चहा पाजवायला देखील पैसे नव्हते,कार्यकर्त्यांनी स्वखर्चाने चहा पाण्याचा खर्च उचलला आणि मला नगरसेवक केले अशी प्रतिक्रिया अकिला यांनी दिली आहे.

झोपडपट्टी राहून संसाराचा गाडा हाकला

अकिला भागानगरी या सोलापूर शहरातील राहुल गांधी झोपडपट्टी येथील रहिवासी आहेत. पती अ. कादर हमीद भागानगरी हे गिरणी कामगार आहेत. सोलापुरातील गिरण्या बंद पडताच कुटुंबावर उपासमारीची वेळ आली. पाच अपत्यांचा भार, रोजच्या गरजा या सगळ्यांसाठी अकिला यांनी घरबसल्या विडी वळण्याचे काम स्वीकारले. त्या विड्यांतून येणारा प्रत्येक रुपया कुटुंबासाठी आधार ठरला.

Buldhana Accident : तो ओरडतच राहिला अन् क्षणात सर्व काही संपलं! ; 22 वर्षांच्या सौरभचा ट्रॅक्टरखाली दबून दुर्दैवी अंत, बुलढाण्यात हळहळ

परिस्थिती बिकट असताना पतीनेही हात आखडता न घेता रिक्षा चालवली, मिळेल ते काम केले आणि समाजसेवेची ज्योत तेवत ठेवली.

प्रभाग 14 मधून विडी कामगार अकिला मोठ्या मताधिक्याने निवडून आल्या

घरच्या जबाबदाऱ्या सांभाळत अकिला यांनी छोट्या बचत गटांचे काम सुरू केले. गरीब, गरजू महिलांना आर्थिक हातभार लावला. समाजातील दुःख जवळून पाहिले आणि त्यावर उपाय शोधण्याची वृत्ती निर्माण झाली. मुलांपैकी दोघे रिक्षा चालवतात, दोघे कपाट मिस्त्री आहेत; मुलीचे लग्न झाले आहे. कष्टातून उभे राहिलेले हे कुटुंबच त्यांच्या कामाची प्रेरणा ठरली. नगरसेवक होऊन लोकांची कामे करावीत, ही इच्छा पती अ. कादर भागानगरी यांची होती.

मात्र, तिकीट ना मिळाल्याने त्यांनी पत्नीला संधी देण्याची मागणी केली. ‘एमआयएम’ पक्षाने ती मान्य केली. पतीचे समाजकार्य जवळून पाहिलेल्या अकिला यांनी निवडणूक लढवण्याचे धाडस केले आणि जनतेने त्या धाडसाला कौल दिला. अकिला भागानगरी चांगल्या मताधिक्याने प्रभागा क्र. १४ मधून निवडून आल्या; त्यांच्या सोबत पक्षाचा चौघांचा पॅनलही विजयी ठरला.