नाशिक महापालिका निवडणुकीत भाजपला एकहाती बहुमत मिळाले असले तरी या निवडणुकीत ‘नोटा’चाही मोठ्या प्रमाणावर वापर झाल्याचे समोर आले आहे. कोणताही उमेदवार पसंत नसल्यास मतदारांना ‘नोटा’ हा पर्याय देण्यात आला आहे. या वेळी नाशिकमध्ये या पर्यायाचा मोठ्या प्रमाणावर वापर झाल्याचे दिसून आले. ‘नोटा’चा पर्याय वापरणाऱ्या मतदारांचे प्रमाण एकूण मतदानाच्या ११.८० टक्के एवढे लक्षणीय आहे. प्रभाग क्रमांक १४ (ड) जागेसाठी निवडणूक रिंगणात १५ उमेदवार होते. मात्र, यापैकी नऊ उमेदवारांना ‘नोटा’पेक्षाही कमी मते मिळाली, ही बाब मतदारांचा उमेदवारांवरील विश्वास डळमळीत झाल्याचे दर्शवते. प्रभाग क्रमांक १७ (अ)मध्येही अशीच स्थिती पाहायला मिळाली. येथे निवडणूक लढवणाऱ्या १४ उमेदवारांपैकी नऊ उमेदवारांना ‘नोटा’पेक्षा कमी मते मिळाली.

Nashik Politics: अश्लील शिवीगाळ करत मारहाण; घर जाळण्याचा प्रयत्न अन् नंतर थेट…, BJP पराभूत उमेदवारासोबत काय घडलं?
प्रभाग २५ मध्ये ‘नोटा’ला विक्रमी प्रतिसाद
शहरातील ३१ प्रभागांपैकी प्रभाग २५ मध्ये सर्वाधिक नोटाचा वापर झाला आहे. या ठिकाणी अ, ब, क आणि ड अशा चार जागांवर तब्बल ४,७२१ मतदारांनी ‘नोटा’ला मतदान दिले आहे. त्यामुळे उमेदवारांबाबतची नाराजी समोर आली आहे. प्रभाग क्रमांक ५ येथे ‘नोटा’ला सर्वाधिक १,६२६ मते मिळाली असून, हा आकडा विशेष लक्षवेधी ठरला आहे. या प्रभागात उमेदवारांपेक्षा ‘नोटा’लाच अधिक पसंती दिल्याने पक्षांसाठी हा गंभीर इशारा मानला जात आहे.

Girish Mahajan: भाजपसाठी महाजन पुन्हा ठरले ‘किंगमेकर’! नाशिकसह उत्तर महाराष्ट्रात पुन्हा गाजवला डंका
‘नोटा’ची कारणे
-अनेक उमेदवार प्रचार मतदारांपर्यंत पोहोचण्यात अपयशी
-उमेदवारांची अयोग्य निवड, स्थानिक प्रश्नांबाबत माहितीचा अभाव
-मतदारांशी संवादाच्या अभावामुळेही रोष