दरम्यान, याप्रकरणी दिलीप बिन्नर यांना जीवे मारण्याचा प्रयत्न केल्याप्रकरणी त्यांचे बंधू योगेश बिन्नर यांना सिन्नर पोलिसांनी गजाआड केले आहे. 17 जानेवारी रोजी होणाऱ्या वार्षिक स्नेहसंमेलनाच्या तयारीदरम्यान शाळेच्या मुख्य प्रवेशद्वाराबाहेर साफसफाई सुरू असताना दुपारी 1.30 वाजेच्या सुमारास दिलीप बिन्नर यांचे सख्खे भाऊ योगेश, मंगेश बिन्नर आणि वडील पुंजाराम बिन्नर हे कारने (क्र. एमएच 15, जेएच 7059) घटनास्थळी आले.
Pandharpur News : चिमुकला STचा पास विसरला, पप्पांना फोन करा ते पैसे देतील म्हणत विनवणी; पण कंडक्टरने भर हायवेवर…; संतापजनक प्रकार
कारचालक योगेश बिन्नर याने थेट दिलीप बिन्नर यांच्या पत्नी सोनल बिन्नर यांच्या अंगावर कार घातली. त्या थोडक्यात बचावल्या; मात्र खुर्चीवर बसलेले दिलीप विन्नर कारच्या धडकेत गंभीर जखमी झाले. यानंतर लोखंडी रॉड आणि दगडाच्या साहाय्याने पुन्हा हल्ल्याचा प्रयत्न करण्यात आला. हल्लेखोरांनी सोनल बिन्नर यांनाही जमिनीवर पाडून मारहाण केली. मध्यस्थी करणाऱ्या प्रशासक सागर लोणारे यांनाही मारहाण करण्यात आली

जमिनीच्या वादातून घटना

दरम्यान, शाळेच्या गेटवर घडलेला संपूर्ण थरार सीसीटीव्हीमध्ये कैद झाला असून त्याच्या आधारे घटनाक्रम स्पष्ट करण्याचा प्रयत्न पोलिसांकडून केला जात आहे. जमिनीच्या वादातून सुरू झालेला हा संघर्ष थेट शाळेच्या आवारापर्यंत पोहोचल्याने सिन्नर शहरात खळबळ उडाली आहे.

या प्रकरणात दिलीप बिन्नर यांच्यावर हल्ल्याचा गुन्हा दाखल झाल्यानंतर आता योगेश पुंजाराम बिन्नर यांनी दिलीप बिन्नर आणि त्यांच्या शाळेतील इतर सात जणांविरोधात सिन्नर पोलीस ठाण्यात फिर्याद दाखल केली आहे. योगेश बिन्नर यांनी दिलेल्या तक्रारीत जमिनीच्या वादातून आपल्यावर वडिलांसह भावांवर शिवीगाळ, दमदाटी आणि मारहाण झाल्याचा आरोप केला. या तक्रारीनुसार पोलिसांनी संबंधित कलमान्वये गुन्हा नोंदवला असून, दोन्ही बाजूंच्या तक्रारींचा समांतर तपास सुरू आहे.