मुंबई महापालिकेत सर्वच पक्षांनी आपापल्या नातेवाइकांना उमेदवारी मिळवून दिली होती. यावरून कार्यकर्त्यांनी नाराजीही व्यक्त केली होती. मात्र मतदारांनी नातेवाईकांच्या या घराणेशाहीला नाकारल्याचे दिसून आले आहे. त्याचवेळी काही मोजक्या नेत्यांच्या नातेवाईकांना मात्र मतदारांनी पसंती दिली आहे.

New BMC Mayor 2026 : 25 वर्षापासून असलेली ठाकरेंची सत्ता उलथवली, आता मुंबईचा महापौर कधी होणार? मोठी माहिती समोर
कुणाला नाकारले, स्वीकारले?
शिवसेना उबाठा पक्षाचे आमदार सुनील शिंदे यांचे बंधू निशिकांत शिंदे यांनी प्रभाग क्रमांक १९४ मधून विजय मिळवला आहे. त्यांनी शिवसेनेचे नेते सदा सरवणकर यांचे पुत्र समाधान सरवणकर यांचा पराभव केला आहे. मुंबईतील धारावी भागातील प्रभाग क्रमांक १८३ मधून काँग्रेसच्या आशा काळे या निवडून आल्या असून त्यांनी शिवसेनेच्या वैशाली शेवाळे यांचा पराभव केला. वैशाली शेवाळे या शिवसेना नेते आणि माजी खासदार राहुल शेवाळे यांच्या वहिनी आहेत. शिवसेनेचे खासदार रवींद्र वायकर यांची कन्या दिप्ती वायकर यांनाही पराभवाचा धक्का बसला आहे. ठाकरेंच्या शिवसेनेच्या लोणा रावत यांनी वायकर यांचा पराभव केला आहे. शिवसेनेचे आमदार मंगेश कुडाळकर यांचे चिरंजीव जय कुडाळकर यांचा उबाठा पक्षाच्या उमेदवार प्रविणा मोरजकर यांनी पराभव केला.

Sharmila Thackeray : आमचे सगळे नगरसेवक चोरुन नेले होते… शर्मिला ठाकरेंनी खंत मांडली; उद्धव, रश्मी आणि राज… तिघांची नावं घेत म्हणाल्या…
राष्ट्रवादी काँग्रेसचे नेते नवाब मलिक यांनाही मतदारांनी मोठा धक्का दिला आहे. त्यांचे बंधू कप्तान मलिक यांचा मुंबईतील प्रभाग क्रमांक १६५मध्ये काँग्रेसचे आशरफ आझमी यांनी पराभव केला. अरुण गवळी यांची मुलगी आणि अखिल भारतीय सेनेच्या उमेदवार योगिता गवळी यांचा पराभव झाला. काँग्रेसचे आमदार अस्लम शेख यांचे चिरंजीव हैदर शेख आणि बहिण कमरजहा सिद्दिकी यांचा विजय झाला तर त्यांचे जावई आहात खान यांचा पराभव झाला.

BMC Election 2026 : राज साहेब, किती वेळा तुम्ही… मनसेबाहेर पडलेल्या संतोष धुरींचा बोचरा सवाल, थेट म्हणाले मनसेची चेष्टा झाली आणि…
नेत्यांच्या कुटुंबीयांना काही प्रमाणात यश
राजकीय नेत्यांच्या नातेवाइकांना मतदारांनी पसंतीही दिली आहे. शिवसेना उबाठाचे माजी महापौर दिवंगत विश्वनाथ महाडेश्वर यांची मुलगी पूजा महाडेश्वर यांनी प्रभाग क्र. ८७ मधून विजय मिळवला आहे. शिवसेना उबाठाचे आमदार मनोज जामसूतकर यांची कन्या सोनम जामसूतकर यांनी प्रभाग क्र. २१०मधून विजय मिळवला आहे. राष्ट्रवादी काँग्रेसचे नेते नवाब मलिक यांच्या भगिनी डॉ. सईदा खान आणि नवाब यांचे बंधू कप्तान मलिक यांच्या सून बुश्रा मलिक या निवडून आल्या आहेत. प्रभाग क्र. ३मध्ये भाजप नेते प्रवीण दरेकर यांचे भाऊ प्रकाश दरेकर यांनी उबाठाच्या रोशनी गायकवाड यांचा पराभव केला आहे. शिवसेना उबाठाचे नेते विनोद घोसाळकर यांची सून आणि भाजपच्या तेजस्वी घोसाळकर या विजयी झाल्या आहेत.