सुषमा अंधारे यांची प्रतिक्रिया काय?

“आता 5 वाजले आहेत. साधारण 100 प्रभागाचे निकाल पुढे येत आहेत. मी मुंबईतून लिहितेय. मग टीव्ही चॅनल्स 227 प्रभागाचे गणित कसे मांडत आहेत. अनाकलनीय.” असं सुषमा अंधारे यांनी फेसबुकवर लिहिलं आहे.

याआधी ठाकरे गटाचे आमदार आणि आदित्य ठाकरे यांचे मावसभाऊ वरुण सरदेसाई यांनीही अशीच प्रतिक्रिया दिली होती. “दुपारचे ३ वाजले आहेत आणि मुंबई महानगरपालिका निवडणुकीच्या निकालासंदर्भात केवळ ८५ वॉर्डची मतमोजणी सुरु आहे किंवा संपन्न झाली आहे. मग TV चॅनेल्स संपूर्ण २२७ वॉर्डमधील कल कसे काय दाखवत आहेत, हेच समजत नाही! भाजपचा खोटा प्रचार सुरू आहे.” असं ट्वीट सरदेसाईंनी केलं आहे.
BMC Election 2026 : ठाकरेंना ‘जय महाराष्ट्र’ करुन भाजपमध्ये, तेजस्वी घोसाळकर यांचा निकाल लागला

मुंबईतील चित्र काय?

दरम्यान, मुंबई महापालिका निवडणुकीत भाजप ९०, तर शिवसेना अवघ्या २८ जागांवर आघाडीवर असल्याचे चित्र आहे. दुसरीकडे ठाकरे बंधूंच्या युतीमध्ये शिवसेना (उद्धव बाळासाहेब ठाकरे) पक्षाला ५७ जागांवर यश आलं आहे, तर महाराष्ट्र नवनिर्माण सेना नऊ जागांवर आघाडीवर आहे. तर काँग्रेसला १५ जागांवर यश मिळालं आहे.
BMC Election 2026 : भाजप उपाध्यक्षांच्या पत्नीची बंडखोरी महागात, भाजपला फटका, मनसे उमेदवाराने गुलाल उधळला
शिंदेंच्या शिवसेनेच्या तुलनेत उबाठा पक्षाला जवळपास दुप्पट जागा मिळाल्या आहेत. ठाकरे बंधूंच्या युतीमुळे ठाकरे समर्थक मतांची एकजूट झाली असली, तरी एकनाथ शिंदेंनी वेगळी चूल मांडल्यामुळे मराठी मतांचे काही प्रमाणात विभाजन झाले. मात्र तरीही भाजपनंतर ठाकरेंची शिवसेना ही मुंबईत दुसऱ्या क्रमांकाचा मोठा पक्ष ठरला आहे. आता मुंबई महापालिकेत कोण महापौर पदी बसणार, याची उत्सुकता सर्वांना लागली आहे.