छत्रपती संभाजीनगर महापालिका निवडणुकीत भाजप हा सर्वात मोठा पक्ष ठरताना दिसत आहे. सध्याच्या कलांनुसार, इथे भाजपला चांगलं यश मिळताना दिसत आहे. तर उपमुख्यमंत्री एकनाथ शिंदे यांची शिवसेना आणि एमआयएम यांच्या आघाडीवर असणाऱ्या जागांची संख्या जवळपास सारख्या दिसत आहेत.
या निवडणुकीत भाजपच्या इच्छुकांनी प्रचंड गोंधळ घातल्याचं बघायला मिळालं होतं. तसेच शिवसेना शिंदे गटाच्या उमेदवारांनी देखील प्रचंड आक्रोश केलेला बघायला मिळाला होता. भाजपच्या कार्यकर्त्यांनी तर थेट मंत्र्यांची गाडी अडवल्याचा प्रकार बघायला मिळाला होता. तर शिवसेनेच्या कार्यकर्त्यांनी मंत्री संजय शिरसाट यांच्या घराबाहेर आंदोलन केलेलं बघायला मिळालं होतं. या सगळ्या घडामोडींनंतर दोन्ही पक्ष निवडणुकीला सामोरे गेले.
शिवसेना उद्धव बाळासाहेब ठाकरे पक्षाला छत्रपती संभाजीनगरमध्ये खूप संधी होती, अशी चर्चा होती. या निवडणुकीत ठाकरे गटाला किती यश मिळतं? याकडे सर्वांचं लक्ष होतं. शहरात पक्षप्रमुख उद्धव ठाकरे यांची एक सभा पार पडली. पण शिवसेना शिंदे गट आणि भाजप यांचा पाहिजे तसा पराभव करण्यात ठाकरे गटाला अपेक्षित यश मिळताना दिसत नाही. याउलट ठाकरेंची शिवसेना क्रमांक चारचा पक्ष शहरात ठरताना दिसत आहे.
आतापर्यंत समोर आलेल्या कलांनुसार, छत्रपती संभाजीनगरमध्ये भाजप 56 जागांवर आघाडीवर आहे. शिवसेना शिंदे गट 14 जागांवर आघाडीवर आहे. तर एमआयएम पक्ष 24 जागांवर आघाडी असल्याचं चित्र आहे. उपमुख्यमंत्री एकनाथ शिंदे यांची शिवसेना शहरात 15 जागांवर आघाडीवर असल्याची माहिती आहे. तर ठाकरे गट 6 जागांवर आघाडीवर दिसत आहे. त्यापाठोपाठ काँग्रेस 2, राष्ट्रवादी 1, राष्ट्रवादी शरद पवार गट 1, वंचित बहुजन आघाडी 4 तर इतर 1 जागांवर आघाडीवर असल्याची माहिती आतापर्यंत समोर आली आहे.
छत्रपती संभाजीनगरनगरमधील प्रतिष्ठेच्या लढतीत काय घडलं?
- शिवसेनेचे नेते तथा पालकमंत्री संजय शिरसाट यांचे पुत्र सिद्धांत शिरसाट यांनी प्रभाग क्रमांक 29 मधून आपलं नशीब आजमावलं होतं. या ठिकाणी त्यांचा विजय झाला आहे.
- संजय शिरसाट यांच्या कम्या हर्षदा शिरसाट यांनीदेखील निवडणूक लढवली. त्यांचादेखील प्रभांग क्रमांक 18 मधून विजय निश्चित मानला जात आहे.
- आमदार प्रदीप जैस्वाल यांचे पुत्र ऋषिकेश जैस्वाल प्रभाग क्रमांक 15 मधून पिछाडीवर आहेत.
- आतापर्यंत समोर आलेल्या माहितीनुसार, भाजपचे उमेदवार प्रमोद राठोड, विजय औताडे, सत्यभामा शिदे, बाळासाहेब मुंडे हे विजयी झाले आहेत.
छत्रपती संभाजी नगर निकाल 115/ 83 :
- भाजप : 56
- शिवसेना : 14
- शिवसेना UBT : 6
- एमआयएम : 24
- काँग्रेस : 1
- राष्ट्रवादी : 0
- राष्ट्रवादी SP : 1
- वंचित बहुजन आघाडी – 4
- इतर – 0
(टीप : जसे निकाल येत आहेत तशी आम्ही माहिती अपडेट करत आहोत)
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा