नवी मुंबई महापालिकेत एकूण १११ प्रभाग येतात. पालिका अस्तित्त्वात आल्यापासून नाईक यांनीच सत्ता राखली आहे. कार्यकर्त्यांमध्ये दादा अशी ओळख असलेले नाईक ज्या पक्षात, त्या पक्षाची नवी मुंबई महापालिकेत सत्ता असं समीकरण आहे. २०१४ मध्ये देशात आणि राज्यात सत्ताबदल झाला. मोदी लाटेत भाजपनं बहुतांश निवडणुकांमध्ये बाजी मारली. पण २०१५ मध्ये गणेश नाईक यांनी नवी मुंबईची महापालिका राखली. त्यावेळी ते राष्ट्रवादी काँग्रेसमध्ये होते. त्या निवडणुकीत राष्ट्रवादीनं १११ पैकी ५२ जागा जिंकल्या. तेव्हा शिवसेना दुसऱ्या क्रमांकावर राहिली होती. सेनेला ३८ जागा मिळाल्या होत्या. तर भाजपला ६ जागांवर समाधान मानावं लागतं.
BMC Election 2026 Result: ना ठाकरे बंधू, ना शिवसेना भाजप, मुंबईचा पहिला निकाल हाती, कोणी उधळला विजयाचा गुलाल?
सध्याच्या घडीला नवी मुंबईत मतमोजणी सुरु आहे. या निवडणुकीत भाजपचं नेतृत्व वनमंत्री असलेल्या गणेश नाईक यांनी केलं. या निवडणूक प्रचारात नाईक यांनी उपमुख्यमंत्री शिंदे यांच्यावर घणाघाती आरोप केले. इथे शिंदेसेना आणि भाजप यांच्यात थेट लढत होत आहे. १११ पैकी ६१ जागांचे कल हाती आले आहेत. त्यातील ३२ जागंवर भाजप पुढे आहे. तर शिंदेसेना २७ जागांवर आघाडीवर आहे. तर ठाकरेसेनेला केवळ एका जागेवर आघाडी आहे.
Pune Municipal Result 2026 : पुण्यात आताची काय परिस्थिती? दादाचा वादा की देवाभाऊ मारणार बाजी? कोणाकडे आघाडी?
मुंबई, ठाणे, कल्याण-डोंबिवली महापालिका निवडणुकीत शिंदेसेना आणि भाजपची युती झालेली आहे. पण नवी मुंबईत शिंदेसेना विरुद्ध भाजप यांच्यात अगदी कडवा संघर्ष पाहायला मिळत आहे. शिंदे मुख्यमंत्री झाल्यानंतर या संघर्षाला धार आली. नवी मुंबई महापालिकेची निवडणूक २०२० मध्ये होणं अपेक्षित होतं. पण ही निवडणूक जवळपास ६ वर्षांनी पुढे गेली. मधल्या काळात शिंदे यांच्याकडे अडीच वर्ष मुख्यमंत्रिपद होतं. त्यावेळी नगरविकास खात्याच्या माध्यमातून शिंदे यांनी नवी मुंबई महापालिकेवर प्रशासनाच्या माध्यमातून बरंच नियंत्रण मिळवलं. त्यामुळे नाईक यांच्या साम्राज्याला धक्के बसू लागत असल्याचं चित्र निर्माण झालं. तेव्हापासून नाईक यांनी शिंदे यांना सातत्यानं रडारवर घेतलं आहे.