या कालावधीत मुलगी सहा महिन्यांची गर्भवती असल्याचे निष्पन्न झाले. विशेष म्हणजे, मुलगी अल्पवयीन असल्याची माहिती तिच्या पालकांना तसेच आरोपीला असूनही 08 जानेवारी 2025 रोजी साखरपुडा ठरवला होता. 24 फेब्रुवारी 2025 रोजी विवाह ठरवण्यात आला होता. तथापि आरोपीकडून लैंगिक संबंध सुरूच होते.
Tamhini Ghat : पैशांच्या वादातून मित्राला कारमध्येच संपवलं, मास्टरमाईंडला इंद्रायणी एक्सप्रेसमध्ये धरलं; ताम्हिणी घाट प्रकरणात पुणे कनेक्शन?
07 जानेवारी 2026 रोजी पोटदुखीचा त्रास झाल्याने मुलीला रेवदंडा येथील प्राथमिक आरोग्य केंद्रात दाखल करण्यात आले. वैद्यकीय तपासणीत ती सहा महिन्यांची गर्भवती असल्याचे स्पष्ट झाल्यानंतर हा प्रकार उघडकीस आला. त्यानंतर रेवदंडा पोलीस ठाण्यात तक्रार दाखल करण्यात आली. या प्रकरणी आरोपी समीर नारायण नाईक यास 13 जानेवारी 2026 रोजी अटक करण्यात आली आहे. सदर गुन्हा बाल लैंगिक अत्याचार प्रतिबंधक (POCSO) अधिनियम 2012 तसेच भारतीय न्याय संहिता (BNS Act 2023) अंतर्गत दाखल करण्यात आला असून, पोलीस उपनिरीक्षक दगू बाजीराव गांगुर्डे पुढील तपास करत आहेत.
Raigad Crime : ‘तुम्ही जा त्याला ठार मारा’; किरकोळ भांडणानंतर आईचा मुलाला अजब सल्ला, पोराने हात मोडेपर्यंत मारलं… रायगड हादरलं
या घटनेनंतर परिसरात तीव्र संताप व्यक्त होत असून, आरोपीस कठोर शिक्षा देण्याची मागणी नागरिकांकडून करण्यात येत आहे. बालकांच्या सुरक्षिततेसाठी समाज व प्रशासनाने अधिक सतर्क राहावे, अशी अपेक्षा व्यक्त केली जात आहे.