मध्य रेल्वेवर रुळांसह सिग्नलच्या देखभाल-दुरुस्तीसाठी दर रविवारी मेगाब्लॉक घोषित केला जातो. या वेळेत लोकल वाहतूक संपूर्णपणे कोलमडते व स्थानकांमध्ये प्रचंड गर्दी होते. परिणामी, प्रवाशांना दुपारच्या वेळेतही दरवाजात लटकून प्रवास करावा लागतो. मनीषचा झालेला अपघाती मृत्यू अशाच रविवार ब्लॉकचा बळी असल्याचे कर्मचाऱ्यांचे म्हणणे आहे.

नेमकं काय घडलं?
मनीष माटुंगा रेल्वे वर्कशॉपमध्ये टेक्निशियन पदावर कार्यरत होता. त्याने कुर्ला येथून बदलापूरसाठी लोकल पकडली. प्रचंड गर्दीमुळे त्याला दरवाजात लटकत राहावे लागले. लोकल दुपारी १.५०च्या सुमारास नाहूर स्थानकाजवळ पोहोचत असताना तोल गेल्याने रुळांवर पडून मनीष गंभीर जखमी झाला. त्याचे डोके व पायाला गंभीर दुखापत झाली होती. रेल्वे पोलिसांसह रेल्वे सुरक्षा दलाच्या कर्मचाऱ्यांनी मनीषला तातडीने जवळच्या खासगी रुग्णालयात दाखल केले. मात्र, उपचारादरम्यान त्याचा मृत्यू झाल्याचे रेल्वे पोलिसांनी सांगितले. याप्रकरणी कुर्ला रेल्वे पोलिस ठाण्यात अपघाती मृत्यूची नोंद करण्यात आली आहे.

Pune Crime : तुम्ही हा टास्क पूर्ण करा पैसाच पैसा, टास्क पूर्ण केला पण… पुण्यात दोन तरूणांसोबत धक्कादायक घटना
तर दुसरीकडे, मोठा वृक्ष तोडताना अंदाज न आल्याने फांदी क्रेनवर पडून जेसीबीची बकेट रस्त्यावर पडली. यात गंभीर जखमी झालेल्या मजुराचा उपचारादरम्यान मृत्यू झाला आहे. नितीन तानाजी पिलाणे (वय ३०, रा. महुडे खुर्द, ता. भोर) असे मृत्यू झालेल्याचे नाव आहे. या प्रकरणी भोर पोलिस ठाण्यात गुन्हा दाखल झाला आहे.दाज चुकल्याने एक मोठी फांदी बकेटवर पडली. त्यामुळे जेसीबीची बकेट उंचावरून रस्त्यावर पडली. त्यामध्ये पिलाणे गंभीर जखमी झाले. त्यांच्यावर सुरुवातीला उपजिल्हा रुग्णालय व नंतर पुण्यातील खासगी रुग्णालयात उपचार सुरू होते. रविवारी त्यांचा उपचारादरम्यान मृत्यू झाला.