शेअर बाजारात गुंतवणकीच्या आमिषाने मांजरी खुर्द परिसरात राहणाऱ्या तरुणाशी सायबर चोरट्यांनी सप्टेंबर महिन्यात संपर्क साधला. शेअर बाजारात गुंतवणूक केल्यास मोठा परतावा मिळेल, असे आमिष दाखवून तरुणाला गुंतवणूकविषयक अॅपवर नोंदणी करण्यास भाग पाडण्यात आले.
Gaja Marne : पुणे महापालिका निवडणुकीच्या तोंडावर गुंड गजा मारणे बाहेर, नेमका कसा सुटला? जाणून घ्या
सुरुवातीला गुंतवलेल्या रकमेवर परतावा देऊन विश्वास संपादन करण्यात आला. त्यानंतर तरुणाने वेळोवेळी चोरट्यांच्या बँक खात्यात ४६ लाख ३३ हजार रुपये जमा केले. मात्र, नंतर परतावा थांबल्याने फसवणूक झाल्याचे लक्षात येताच तरुणाने वाघोली पोलिस ठाण्यात तक्रार दिली. या प्रकरणी माहिती-तंत्रज्ञान कायदा व फसवणूक कलमान्वये गुन्हा दाखल करण्यात आला असून, वरिष्ठ निरीक्षक युवराज हांडे तपास करीत आहेत. शेअर बाजारातील ‘खात्रीशीर परतावा’, तसेच ‘घरातून ऑनलाइन काम’ अशा आमिषांना बळी पडू नये. कोणत्याही अॅपवर गुंतवणूक करण्यापूर्वी खातरजमा करावी आणि अनोळखी व्यक्तींना पैसे पाठवू नयेत, असे आवाहन पोलिसांनी केले आहे.
Pune News : पुण्यात 56 बोगदे, एलिव्हेटेड कॉरिडॉर… येरवडा-कात्रज 54 किलोमीटरचं भूमिगत जाळं; शहरात मोठी योजना

‘टास्क’च्या नावाखाली गंडा

सिंहगड रस्ता भागातील तरुणाला घरातून ऑनलाइन कामाची संधी असल्याचे आमिष दाखवून सायबर चोरट्यांनी संपर्क साधला. सुरुवातीला छोटे काम देऊन त्याचे पैसे खात्यात जमा करण्यात आले. त्यामुळे विश्वास बसल्यानंतर अधिक पैसे गुंतविल्यास जास्त परतावा मिळेल, असे सांगून तरुणाला जाळ्यात ओढण्यात आले. तरुणाने चोरट्यांच्या खात्यात चार लाख ८३ हजार रुपये जमा केले; मात्र परतावा न मिळाल्याने फसवणूक उघडकीस आली. या प्रकरणी वारजे पोलिस ठाण्यात गुन्हा दाखल करण्यात आला आहे.