रात्री तलाव परिसर बंद असताना घडली घटना

ही घटना 10 जानेवारीच्या रात्री घडल्याचा अंदाज आहे. विशेष म्हणजे रात्रीच्या वेळी तलाव परिसर बंद असतो, असे असतानाही अघोरी कृत्य कसे करण्यात आले. याबाबत अनेक प्रश्न उपस्थित होत आहेत. परिसरात कुंपण, प्रवेशद्वार, पथदिवे तसेच सीसीटीव्ही कॅमेरे बसवलेले असतानाही हा प्रकार घडल्याने सुरक्षा व्यवस्थेवरच प्रश्नचिन्ह निर्माण झाले आहे.
तू बेरोजगार, माझ्या मैत्रिणींचे नवरे… सततचा छळ, लेकीचा चेहराही बघू देईना; पतीचा टोकाचा निर्णय

मॉर्निंग वॉकसाठी आलेल्या नागरिकांनी दिसलं भयंकर दृष्य

11 जानेवारी रोजी पहाटे मॉर्निंग वॉकसाठी आलेल्या नागरिकांना ओपन जिमजवळील मोकळ्या जागेत लाल कापड, त्यावर ठेवलेले अनेक नारळ, लिंबू, सुपारी व नागवेलाची पाने आढळून आली. एकाच ठिकाणी मोठ्या प्रमाणात नारळ व पूजा साहित्य आढळल्याने हा प्रकार अघोरी विद्येसाठीच करण्यात आल्याचा संशय व्यक्त करण्यात येत आहे.

नागरिकांमध्ये भीतीचं वातावरण पसरलं

राजमाता जिजामाता तलाव परिसरात चालण्यासाठी ट्रॅक, ओपन जिम आणि ज्येष्ठ नागरिक कट्टा असल्याने सकाळी आणि संध्याकाळी मोठ्या प्रमाणात नागरिकांची वर्दळ असते. त्यामुळे अशा ठिकाणी अघोरी प्रकार झाल्याने महिलांमध्ये व ज्येष्ठ नागरिकांमध्ये भीतीचे वातावरण पसरले आहे.

पोलिसांकडून प्रकरणाचा तपास सुरु

या घटनेची माहिती मिळताच नेरळ पोलिसांनी घटनास्थळी भेट देऊन पाहणी केली आहे. कुंपणावरून प्रवेश करण्यात आला असावा, अशी शक्यता वर्तवली जात असून, सीसीटीव्ही फुटेज तपासून दोषींवर कठोर कारवाई करण्यात यावी, अशी जोरदार मागणी स्थानिक नागरिकांकडून होत आहे. सार्वजनिक ठिकाणी अशा अंधश्रद्धेला खतपाणी घालणाऱ्या कृत्यांवर प्रशासनाने कठोर भूमिका घ्यावी, अशी अपेक्षा व्यक्त करण्यात येत आहे.