सत्ताधाऱ्यांवर तुटून पडणारे शिवसेना ठाकरे गट आता वार्डातूनच अपक्षांना पाठिंबा देताना दिसत आहे. त्यामुळे जळगावच्या राजकारणात नेमकं काय सुरु आहे? असा प्रश्न उपस्थित होतोय. उद्धव ठाकरेंच्या उमेदवाराने उमेदवारी मागे घेणं हा पक्षाला धक्का आहेच, पण शिंदेच्या गटाच्या जिल्हाप्रमुखांसमोर उभ्या असलेल्या बंडखोर उमेदवाराला पाठिंबा देणं म्हणजे ही शिंदेंच्या शिवसेनेसाठीदेखील डोकेदुखी आहे.
राज्यात सत्ताधाऱ्यांवर तुटून पडणारे विरोधक आता महानगरपालिकेमध्ये चांगलेच आक्रमक दिसून येत आहेत. पण जळगाव शहरात विरोधकांनी माघार घेत सत्ताधाऱ्यांना निवडणूक ही सोपी करून दिलेली आहे. याला कारण म्हणजे शिवसेना ठाकरे गटाचे जिल्हाप्रमुख कुलभूषण पाटील यांच्या मातोश्रींची शिवसेना ठाकरे गटाची अधिकृत उमेदवारी अर्ज माघार घेतल्याने भाजपच्या अंकिता पाटील या निवडून आल्या. म्हणजेच सत्ताधाऱ्यांपुढेच विरोधकांनी सोयीचा राजकारण करून त्यांच्यापुढे नांग्या टाकल्या.
यानंतर आता आणखी हाय व्होल्टेज घडामोडी घडताना दिसत आहेत. वार्ड क्रमांक 5 अ इथे माजी महापौर तथा शिवसेना शिंदे गटाचे जिल्हाप्रमुख विष्णू भंगाळे निवडणूक लढवीत आहेत. त्यांच्यासमोर शिवसेना ठाकरे गटाचे प्रवीण माळी आणि माजी नगरसेवक नरेंद्र अण्णा यांचे पुत्र पियुष पाटील यांनी अपक्ष उमेदवारी दाखल केलेली आहे. मात्र ठाकरे गटाचे प्रवीण माळी यांनी कालच पियुष पाटील यांना पाठिंबा दिल्याने शिवसेना ठाकरे गटाने त्या वार्डातून पळ काढल्याची चर्चा आहे. त्यामुळे विष्णू भंगाळे यांच्या अडचणीत वाढ होण्याची चित्र दिसत आहे.
जळगाव महापालिका निवडणुकीच्या पार्श्वभूमीवर शिवसेना ठाकरे गटाच्या अधिकृत उमेदवाराने अपक्ष उमेदवाराला जाहीर पाठिंबा दिल्याने राजकीय वर्तुळात मोठी चर्चा सुरू झाली आहे. प्रभाग क्रमांक ५ अ मधील ठाकरे गटाचे अधिकृत उमेदवार प्रवीण माळी यांनी अपक्ष उमेदवार पियुष पाटील यांना पाठिंबा जाहीर केला आहे. याआधीच ठाकरे गटाच्या चार उमेदवारांनी माघार घेतलेली असताना, आता मतदानास काही दिवस उरलेले असताना हा निर्णय खळबळजनक ठरला आहे.
या प्रभागात माजी महापौर आणि शिवसेना शिंदे गटाचे जिल्हाप्रमुख विष्णू भंगाळे आणि अपक्ष उमेदवार पियुष पाटील यांच्यात थेट लढत होणार आहे. दरम्यान, विष्णू भंगाळे यांना एका महिलेने खडेबोल सुनावल्याचा व्हिडिओ व्हायरल झाला होता. त्यानंतर आता ठाकरे गटाचे उमेदवाराने अपक्ष उमेदवाराला पाठिंबा दिल्यामुळे भंगाळे यांच्या अडचणीत वाढ झाल्याचे बोलले जात आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा