पाथर्डीफाटा येथील हॉटेल सध्या निवडणुकीचे केंद्र बनले असून, महाजनांनी शहरातील प्रभावशाली घटकांसोबत बंद दाराआड चर्चा करीत, निवडणूक रणनीतीला वेग दिला आहे. बूथ स्तराचा कार्यकर्ता ते उमेदवार, पक्षाचे पदाधिकारी आणि आमदारांशी संपर्क साधून प्रभागनिहाय लढतींवर लक्ष केंद्रित करून मुख्यमंत्री देवेंद्र फडणवीसांच्या सभेचे नियोजन सुरू केले आहे.

Raj Thackeray: ‘लाकुडतोड्या बरा होता…’; तपोवनातील वृक्षतोडीवरून राज ठाकरेंचा मंत्री महाजनांना टोला
सन २०१७ मध्ये झालेल्या महापालिका निवडणुकीत महाजनांच्या नेतृत्वाखाली भाजपने स्वबळावर लढत सत्ता मिळवली होती. त्यामुळे यंदाही भाजपने शिवसेना शिंदे गट, राष्ट्रवादीला बाजूला सारत ११८ उमेदवार रिंगणात उतरवले आहेत.

Uddhav Thackeray: नाशिकच्या सभेत उद्धव ठाकरेंनी भावाचंही केलं कौतुक; म्हणाले, ‘आज माझ्यासोबत माझा भाऊ राज….’
भाजपकडून सर्वाधिक इच्छुक असल्याने तिकीट वाटपावेळी चांगलाच राडा झाला. त्यात पक्षाबाहेरून आलेल्या ३३ जणांना उमेदवारी देण्यात आली आहे. त्यामुळे पक्षातील निष्ठावंतांसह तीन आमदारांमध्ये नाराजी पसरली होती. त्यामुळे निवडणुकीच्या रणधुमाळीला सुरुवात होऊनही आमदार, पदाधिकारी रिंगणात दिसत नव्हते. त्यामुळे महाजन यांनी आता शेवटच्या टप्प्यात उमेदवारांच्या प्रचाराऐवजी नियोजनावरच भर दिला आहे. मुख्यमंत्री देवेंद्र फडणवीस आणि पर्यावरण मंत्री पंकजा मुंडे यांची उद्या, रविवारी (दि. ११) जाहीर सभा होणार असून, या सभेचे नियोजन करतानाच, बूथ स्तरावरील कार्यकर्ते, उमेदवार, पक्षाच्या पदाधिकाऱ्यांशी चर्चा करीत, प्रचार यंत्रणा सक्रीय केली आहे.

ठाकरे बंधूंची युती, पहिलीच प्रचार सभा; व्यासपीठावर ‘तो’ फोटो, पोडियमवरच्या शब्दानं लक्ष वेधलं
उद्योजक, व्यापाऱ्यांसह आघाड्यांशी चर्चा
नाशिक महापालिका निवडणुकीत उमेदवारांचा प्रत्यक्ष प्रचारावर भर देण्याऐवजी गिरीश महाजन यांनी नागरिकांवर प्रभाव टाकणाऱ्यां घटकांशी ‘वन टू वन’ चर्चा सुरू केली आहे. शहरातील उद्योजक, डॉक्टर, व्यापाऱ्यांच्या आघाड्यांसह विविध संघटनांच्या प्रतिनिधींची चर्चा करून महाजन भाजपची व्यूहरचना करत आहेत.