प्राप्त माहितीनुसार, ६ जानेवारी रोजी दुपारी सुमारे दोन वाजण्याच्या सुमारास जमीर तांबोळी यांनी पीडित मुलाला घोडे शोधण्याच्या बहाण्याने स्वतःच्या दुचाकीवर बसवून नेरळ पोलीस ठाणे हद्दीतील शेलु परिसरातील जंगलात नेले. तिथे आरोपीने मुलाचे मोबाईलवर व्हिडिओ तयार करत त्याच्यासोबत लैंगिक अत्याचार केला.
घडलेला प्रकार पीडित मुलाने आपल्या कुटुंबियांना सांगितल्यानंतर, पिडिताच्या कुटुंबाने तत्काळ नेरळ पोलीस ठाण्यात तक्रार नोंदवली. पोलीसांनी तक्रारीचे गांभीर्य लक्षात घेत त्वरित कारवाई करत आरोपी जमीर तांबोळी याला रात्री सुमारे अकरा वाजण्याच्या सुमारास अटक केली.

संशयित आरोपीविरोधात बाल लैंगिक अत्याचार प्रतिबंधक पोस्को अधिनियम २०१२ चे कलम ४, ८, १२ तसेच भारतीय दंड संहिता २०२३ चे कलम ३५१(२) अंतर्गत गुन्हा दाखल करण्यात आला आहे. या प्रकरणाचा पुढील तपास नेरळ पोलीस ठाण्याच्या महिला पोलीस उपनिरीक्षक प्राची पांगे यांच्या मार्गदर्शनाखाली सुरू असल्याची माहिती नेरळ पोलीस ठाण्याकडून आज देण्यात आली.

Ganesh Naik: ‘शिंदेंच्या सेनेसोबत युती नकोच होती’, भाजपच्या बड्या नेत्याचं मोठं वक्तव्य

गावातील आणि परिसरातील नागरिक या घटनेमुळे संतापलेले आहेत. पोलिसांनी आश्वासन दिले आहे की आरोपीविरोधात कठोर कारवाई केली जाईल आणि पीडिताचे संरक्षण सुनिश्चित केले जाईल. ही घटना लहान मुलांच्या सुरक्षेच्या दृष्टीने गंभीर इशारा ठरली आहे.

पालक आणि नागरिकांना सतर्क राहण्याचे आवाहन पोलीस करत आहेत. अशा घटनांविरुद्ध त्वरित माहिती पोलीसांपर्यंत पोहोचवण्याचे आवाहन करण्यात आले आहे, तर पोलीस अधिकाऱ्यांनी परिसरात सुरक्षा उपाय अधिक काटेकोरपणे राबवण्याचे निर्देश दिले आहेत.

ही घटना बालकांच्या सुरक्षिततेसाठी समाजातील जागरूकतेची गरज पुन्हा अधोरेखित करते. नेरळ पोलीसांनी तत्काळ कारवाई करून प्रकरणाची योग्य चौकशी सुरू केली असल्याने, परिसरातील नागरिकांमध्ये काही प्रमाणात आश्वासकता निर्माण झाली आहे.