पुणे व पिंपरी चिंचवड महापालिकेसाठी उपमुख्यमंत्री अजित पवार ताकदीने मैदानात उतरलेत. गुरुवारी (८ जाने.) चिखली येथे अजित पवारांची जाहीर सभा पार पडली. पिंपरी चिंचवडची सूत्रं माझ्या हातात द्या, असे आवाहन अजित पवारांनी केले.अनेकांनी सांगितल्यानुसार आता घड्याळ-तुतारी एकत्र आलेत, असे ते यावेळी म्हणाले. आम्ही मार्ग काढला, आता तुम्ही बटण दाबायचं काम करा, असे आवाहन त्यांनी केले. घड्याळाचं बटण दाबा, मग दादाचा वादा होईल, अशी मिश्किल टिप्पणीही त्यांनी केली.