राज्यात २९ महापालिकांसाठी १५ जानेवारीला मतदान होणार असून १६ जानेवारीला निकाल जाहीर होणार आहेत. शिवसेना उबाठाकडून ४० जणांची स्टार प्रचारकांची यादी जाहीर करण्यात आली आहे. यात उद्धव ठाकरे, आदित्य ठाकरे, सुभाष देसाई, संजय राऊत, अनंत गीते, चंद्रकांत खैरे, अरविंद सावंत, भास्कर जाधव यांचा समावेश आहे. याशिवाय, अनिल देसाई, विनायक राऊत , अनिल परब, राजन विचारे, सुनील प्रभू, आदेश बांदेकर, वरुण सरदेसाई, अंबादास दानवे यांचाही समावेश आहे. तसेच सचिन अहिर, मनोज जामसुतकर, नितीन देशमुख, सुषमा अंधारे, ओमराजे निंबाळकर, सुनील शिंदे, राम साळगावकर यांनाही संधी देण्यात आली आहे.

ठाकरे बंधूंची संयुक्त सभा
मुंबई पालिका निवडणुकीच्या पार्श्वभूमीवर मंगळवारी उद्धव ठाकरे आणि राज ठाकरे यांची पहिली संयुक्त सभा विक्रोळी येथे होणार आहे. आगामी काळात दोन्ही नेत्यांच्या सात ते आठ संयुक्त सभा नियोजित असून, त्यातील पहिली सभा पूर्व उपनगरात होत आहे. विशेष म्हणजे, शिवसेना आणि मनसेच्या शाखांनादेखील उद्धव आणि राज ठाकरे यांनी एकत्रितपणे भेटी द्यायला सुरूवात केली आहे. सोमवारी दक्षिण मुंबई तसेच दक्षिण मध्य मुंबईतील दोन्ही पक्षांच्या शाखांनी ठाकरे बंधुंनी भेटी दिल्या.ZP Election: जिल्हा परिषद निवडणूक कधी होणार? राज्य निवडणूक आयोगाकडून मोठी अपडेट
तीन लाख कोटींचा भ्रष्टाचार
भाजपचा आरोप
रस्ते, कचरा, करोना केंद्र, टॅबखरेदी, नालेसफाई आदी कामांमध्ये गेल्या २५ वर्षांत उद्धव ठाकरे यांच्या पक्षाने साडेतीन लाख कोटी रुपयांवर डल्ला मारला आहे. शिवसेना उद्धव बाळासाहेब ठाकरे पक्षाने केलेला घोटाळा देशातील सर्वांत मोठा भ्रष्टाचार आहे, असा आरोप भाजपचे मुंबई अध्यक्ष व आमदार अमित साटम यांनी सोमवारी एका पत्रकार परिषदेत केला. शिवसेना उबाठाने मुंबई महापालिका निवडणुकीचा जाहीरनामा रविवारी प्रकाशित केला. त्यातील विसंगतीवर बोट ठेवताना साटम यांनी शिवसेना उबाठाविरुद्ध ‘आरोपपत्र’ प्रकाशित केले. ‘२१ हजार कोटी रुपये खर्च करूनही मुंबईकरांच्या नशिबी खड्डेमुक्त रस्ते आले नाहीत, असे ते म्हणाले.

लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा