कांदिवली ते बोरिवलीदरम्यान सहाव्या मार्गिकेसाठी अप जलद मार्गावर मंगळवारी मध्यरात्रीनंतर १२ ते बुधवारी पहाटे ५.३० आणि डाउन जलद मार्गावर मध्यरात्रीनंतर १ ते पहाटे ४.३०पर्यंत ब्लॉक घेण्यात येणार आहे. ब्लॉकमुळे पाचव्या मार्गिकेवरील रेल्वेवाहतूक थांबवण्यात येणार आहे. यामुळे काही लोकल फेऱ्या रद्द राहणार असून, काही लोकल फेऱ्या विलंबाने धावणार आहेत. रद्द फेऱ्यांमध्ये बारा डब्यांसह १५ डबा आणि एसी लोकलचाही समावेश आहे.

BMC Election: मुंबईत सत्तेसाठी भाजपची ‘फिल्डिंग’; 135 उमेदवार निवडणुकीच्या रिंगणात, किती मराठी उमेदवारांना दिली संधी?
मुंबई सेंट्रल ते बोरिवली पाचवी-सहावी मार्गिका प्रकल्पातील शेवटचा टप्पा अर्थात कांदिवली ते बोरिवलीदरम्यान यांत्रिक कामे पूर्ण करण्यासाठी २१ डिसेंबर २०२५ ते १८ जानेवारी २०२६पर्यंत ब्लॉक घोषित करण्यात आला आहे. यातीलच कामाचा एक भाग म्हणून आज, मंगळवार रात्रीपासून मार्गिका जोडणीचे काम सुरू करण्यात येणार आहे.

सहाव्या मार्गिकेसाठी ब्लॉक
वेळ : मध्यरात्रीनंतर १२ ते बुधवारी सकाळी ५.३०
मार्ग : अप जलद
वेळ : मध्यरात्रीनंतर १ ते बुधवारी पहाटे ४.३०
मार्ग : डाउन जलद
रद्द लोकल फेऱ्या
मंगळवार – ९३
बुधवार – १२२