जगतापांचे पक्षांतर

प्रशांत जगताप यांनी दीर्घकाळ राष्ट्रवादी काँग्रेसचे (शरद पवार गट) शहराध्यक्षपद भूषवले होते. मात्र, २०२४ च्या विधानसभा निवडणुकीतील निसटत्या पराभवानंतर त्यांनी बदलत्या राजकीय समीकरणांना विरोध करत काँग्रेसमध्ये प्रवेश केला. त्यांच्या या निर्णयाची राज्यभरात चर्चा झाली; काहींनी याला वैचारिक भूमिका म्हटले, तर काहींनी राजकीय धोका.

शिवरकर काँग्रेस सोडून भाजपात

दुसरीकडे, जगताप काँग्रेसमध्ये येताच माजी मंत्री बाळासाहेब शिवरकर यांचे पुत्र अभिजीत शिवरकर यांनी तातडीने काँग्रेस सोडून भाजपमध्ये प्रवेश केला. भाजपनेही त्यांना जगतापांच्या विरोधात मैदानात उतरवून एक प्रकारे त्यांच्यासमोर मोठे आव्हान उभे केले आहे.
Sayali Wanjale : ‘गोल्डमॅन’ रमेश वांजळेंची लेक पुण्यातील सर्वात श्रीमंत महिला उमेदवार, सायली वांजळेंची संपत्ती ७७ कोटी, सोनं किती?
वानवडी हा भाग आतापर्यंत काँग्रेस-राष्ट्रवादीचा बालेकिल्ला मानला जात होता. मात्र, शिवरकर यांचा स्थानिक प्रभाव आणि भाजपची वाढलेली संघटनात्मक ताकद यामुळे इथली लढत आता एकतर्फी राहिलेली नाही. या प्रभागात प्रामुख्याने भाजप विरुद्ध महाविकास आघाडी आणि मनसे अशी लढत पाहायला मिळत आहे. यात मुस्लिम मतदारांची भूमिका निर्णायक ठरण्याची शक्यता असून, ते कोणाच्या बाजूने कौल देतात यावर विजयाचे समीकरण अवलंबून असेल.
Maharashtra Politics : भाजपचे एका जागेसाठी ‘चुकून’ दोघींना AB फॉर्म; बंडखोर कमळावर, अधिकृत उमेदवार ‘बॅटबॉल’वर, चर्चा मात्र पक्षाच्या खेळीची
जगताप यांच्यासाठी ही निवडणूक त्यांच्या राजकीय भविष्याची दिशा ठरवणारी आहे. स्वतःच्या अस्तित्वासाठी त्यांनी घेतलेला हा निर्णय मतदारांना किती रुचतो, हे पाहणे औत्सुक्याचे ठरेल. तर दुसरीकडे, शिवरकर यांच्यासाठी वडिलांचा राजकीय वारसा सिद्ध करण्याची आणि भाजपची जागा निवडून आणण्याची ही मोठी संधी आहे. एकूणच, भाजपच्या या ‘कठीण पेपर’मध्ये प्रशांत जगताप बाजी मारणार की शिवरकर कमळ फुलवणार, याकडे संपूर्ण पुण्याचे लक्ष लागले आहे.