मुंबई: भुयारी मेट्रोबाबत एक मोठी अपडेट समोर आली आहे. यामुळे मुंबईकरांचा प्रवास अधिक सुखकर होणार आहे. Mumbai Metro 3 अर्थात ‘अॅक्वा लाइन’वर सोमवार, 5 जानेवारीपासून मेट्रो फेऱ्यांमध्ये वाढ करण्यात येणार आहे. पीक अवरमध्ये होणारी गर्दी लक्षात घेता हा निर्णय घेण्यात आला असून, याचा थेट फायदा दैनंदिन प्रवाशांसह वीकेंडला प्रवास करणाऱ्यांनाही होणार आहे.वाढीव फेऱ्यांचे नवे वेळापत्रक
आरे जेव्हीएलआर ते कफ परेड या मार्गावर धावणाऱ्या भुयारी मेट्रोला सकाळी आणि सायंकाळी मोठी गर्दी असते. मेट्रो सेवा नुकतीच सुरू झाल्यामुळे सुरुवातीला मर्यादित फेऱ्या सोडण्यात आल्या होत्या. मात्र, गाड्यांमधील जास्त अंतरामुळे पीक अवरमध्ये प्रवाशांची गैरसोय होत होती. ही अडचण दूर करण्यासाठी आता फेऱ्या वाढवण्याचा निर्णय घेण्यात आला आहे.
Mumbai Local: लोकल तिकीट बुकिंगसाठी UTS वापरता? अॅपवरील ही सेवा झाली आहे कायमची बंद; आता पर्याय कोणता?
वाढीव फेऱ्यांचे नवे वेळापत्रक
आठवड्याच्या दिवशी पीक आव्हरदरम्यान: फेऱ्या 265 वरून वाढून 292
शनिवार: फेऱ्या 209 वरून वाढून 236
रविवार: कोणताही बदल नाही; 198 फेऱ्या कायम राहणार
अधिकाऱ्यांनी प्रवाशांना अद्ययावत वेळापत्रक पाहून प्रवासाचे नियोजन करण्याचे आवाहन केले आहे.
ऑक्टोबर 2025 च्या सुरुवातीला सुरू झालेल्या मुंबई मेट्रो लाइन 3 मुळे उपनगरांपासून दक्षिण मुंबईपर्यंत प्रवासाचे नवे युग सुरू झाले आहे. ही मार्गिका ऐतिहासिक स्थळे, व्यावसायिक केंद्रे आणि प्रमुख रेल्वे इंटरचेंजेसना जागतिक दर्जाच्या वाहतूक व्यवस्थेशी जोडते. मुंबईतील ही पहिली पूर्णपणे जमिनीखालून धावणार मेट्रो आहे. या मार्गिकेला Aqua Line सुद्धा म्हटले जाते.
Mumbai Metro: मुंबई-भाईंदर, पूर्व-पश्चिम थेट जोडणार, घोडबंदर रोडवरही धावणार, 2026मध्ये तीन मेट्रो सेवेत; कधी-कुठे सर्व पाहा
या मार्गावरील सायन्स सेंटर, महालक्ष्मी, जगन्नाथ शंकर शेठ (मुंबई सेंट्रल), ग्रँट रोड, गिरगाव, कळबादेवी, छत्रपती शिवाजी महाराज टर्मिनस, हुतात्मा चौक, चर्चगेट, विधान भवन आणि कफ परेड ही स्थानके अनेक प्रवेश-निर्गमन बिंदूंनी सुसज्ज आहेत. आरे जेव्हीएलआर ते कफ परेड या एकमार्गी प्रवासासाठी 70 रुपये भाडे आकारले जाते. दरम्यान, 1 ते 31 ऑक्टोबर या कालावधीत अॅक्वा लाइनने 38,63,741 प्रवाशांची वाहतूक केली असून, उपनगर आणि दक्षिण मुंबई यांना जोडणाऱ्या या मार्गावर प्रवाशांचा मोठा प्रतिसाद मिळत असल्याचे स्पष्ट झाले आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा