विवेक गणेश सोनवणे 19, रा. रांजणगाव, पांडुरंग माधवराव सोनवणे 21, रा. जाधववाडी, रोहन सुनील ढवळे 19, रा. बजाज नगर असे आरोपींचे नाव आहे. विद्यार्थ्याची सुटका करण्यात आली असून 3 आरोपींना 4 दिवसांची पोलीस कोठडी सुनावण्यात आली आहे. 4 आरोपी अद्याप फरार आहेत.

Chhatrapati Sambhajinagar: दिवसभर काम करून दुचाकीवरून घरी निघाले, अंधारात समोरून बैलगाडी आली अन्… 21 वर्षीय तरुणांचा भीषण अपघात

नेमकं प्रकरण काय?

मिळालेली माहिती अशी की, 17 वर्षीय तरुण, सिडको एन-7 रहिवासी आहे.आरोपी रोहन ढवळे याने पाच महिन्यांपूर्वी आपली स्पोर्ट्स बाईक संबंधित विद्यार्थ्याला विकली होती. मात्र, या बाईकचे पैसे वेळेवर न मिळाल्यामुळे त्यांच्यात वाद सुरू होता. तो विद्यार्थी काही काळ शहराबाहेर गेला होता, मात्र तो परत आल्याची खबर मिळताच आरोपींनी त्याच्या अपहरणाचा कट रचला. शुक्रवारी रात्री सव्वा बाराच्या सुमारास हा विद्यार्थी आपल्या मित्रासह दुचाकीवरून बजरंग चौकाकडे जात असताना, दोन आरोपींनी धावत येऊन त्याचा शर्ट पकडून त्याला खाली पाडले आणि बळजबरीने कारमध्ये कोंबले. हा सर्व थरार सीसीटीव्ही कॅमेऱ्यात कैद झाला आहे.

दोन तासात मुसक्या आवळल्या

विद्यार्थ्याच्या मित्राने या घटनेची माहिती तातडीने नातेवाईकांना दिली, सिडको पोलीस ठाण्याचे निरीक्षक अतुल येरमे यांच्याशी संपर्क साधला. घटनेचे गांभीर्य लक्षात घेऊन पोलिसांनी दोन पथके तैनात केली. तांत्रिक माहिती आणि सीसीटीव्ही फुटेजच्या आधारे अपहरणकर्ते वाळूजच्या दिशेने गेल्याचे निष्पन्न झाले. पोलिसांनी वाळूज परिसरात गाडी अडवून मुलाची सुटका केली.

विशेष म्हणजे, जेव्हा पोलीस पोहोचले तेव्हा आरोपी कारमध्ये त्या विद्यार्थ्याला मारहाण करत होते. पोलिसांनी तिघांना अटक केली असून फरार असलेल्या इतर चार साथीदारांचा शोध युद्धपातळीवर सुरू आहे. या प्रकरणातील फरार आरोपींना पकडण्यासाठी पोलिसांनी विशेष पथके तयार केली आहेत.