‘मुंबईचा महापौर हा मराठीच होणार,’ असे ठाकरे बंधू ठासून सांगत आहेत. दुसरीकडे भारतीय जनता पक्ष अमराठी मतपेढीच्या जोरावर मुंबई ताब्यात घेण्याचा प्रयत्न करीत असल्याचा आरोप विरोधकांकडून केला जात आहे. मात्र भाजपची उमेदवार यादी पाहिली असता, याच्या उलट चित्र दिसते. भाजपने तब्बल ९४ मराठी भाषक उमेदवारांना निवडणुकीच्या रिंगणात उतरविल्याचे शनिवारी निवडणूक अधिकाऱ्यांनी अंतिम यादी जाहीर केल्यानंतर दिसून आले.

भाजपच्या उमेदवार यादीत २० ते ३० वर्षे वयोगटातील नऊ, तर ३० ते ४० वर्षे वयोगटातील २७ उमेदवारांना संधी देण्यात आली आहे. भाजपच्या यादीत सर्वाधिक, म्हणजेच ४६ उमेदवार हे ४० ते ५० वर्षे वयोगटातील आहेत. याबरोबरच, ५० ते ६० वर्षे वयोगटातील उमेदवारांची संख्या ४३ इतकी नोंदविण्यात आली आहे. मुंबई महानगरपालिकेच्या निवडणुकीसाठी ज्येष्ठ सदस्यांनाही पुन्हा संधी देण्यात आली असून ६० वर्षांवरील १० जणांना भाजपने उमेदवारी दिल्याचे दिसते. एकंदरित २७ टक्के उमेदवार हे चाळीशीच्या आतील असून, ३४ टक्के उमेदवार हे ४० ते ५० वर्षे वयोगटातील असल्याचे स्पष्ट झाले आहे.

Ashish Shelar यांचा सर्वात मोठा इशारा, ठाकरे बंधूंची चिंता वाढणार?
२० जण पदव्युत्तर
भाजपच्या उमेदवारांचे शिक्षण लक्षात घेता, १३५ जणांच्या यादीत सर्वाधिक म्हणजेच ५९ उमेदवारांनी पदवीपर्यंतचे शिक्षण पूर्ण केले आहे. तर २० जांनी पदव्युत्तर शिक्षण घेतले आहे. पदवीधर नसलेल्या उमेदवारांची संख्या ५६ आहे.

युवा वर्गाला अधिक संधी
मुंबई महानगरपालिका निवडणुकीत भाजपकडून ३० ते ४० वयोगटातील २७ जणांना आणि ४० ते ५० वयोगटातील ४६ जणांना उमेदवारांना संधी देण्यात आली आहे. काही दिवसांपूर्वीच भाजपकडून पक्षातील अनेक पदांवर तरुणांना संधी देण्यात आली होती. त्यामुळेच आता निवडणुकीच्या रिंगणातही नव्या चेहऱ्यांना संधी देण्याचा संघटनात्मक निर्णय पक्षाने घेतला