पोलिसांनी दिलेल्या माहितीनुसार, भाजपच्या वसंत स्मृती येथील कार्यालय सचिव दिनेश जगताप यांनी याबाबत तक्रार केली आहे. महापालिका निवडणुकीसाठी शीव प्रतीक्षानगर येथील प्रभाग क्रमांक १७३मधून भाजपच्या वतीने शिल्पा केळुसकर यांना उमेदवारी देण्यात आली. २९ डिसेंबर रोजी त्यांना कार्यालयात बोलावून पक्षाचा अधिकृत एबी फॉर्म देण्यात आला. मात्र शिवसेना आणि भाजपच्या बैठकीत ही जागा शिवसेनेच्या वाट्याला गेल्याने या प्रभागातून पूजा कांबळे यांना उमेदवारी देण्यात आली. यानंतर शिल्पा यांना पक्षाच्या वतीने दिलेला एबी फॉर्म पुन्हा कार्यालयात जमा करण्यास सांगण्यात आले. २९ डिसेंबरच्या सायंकाळी त्यांनी कार्यालयात एबी फॉर्म आणून दिला. जगताप यांनी आपल्या कपाटामध्ये हा अर्ज ठेवला होता.
Eknath Shinde: कार्यसम्राट नाही, करप्शन सम्राट!, मुंबईतल्या पहिल्या प्रचारसभेत शिंदेंचा उद्धव ठाकरेंवर घणाघात
शिवसेनेच्या उमेदवार पूजा कांबळे यांच्या पतीने शिल्पा यांनी भाजपच्या एबी फॉर्मवर उमेदवारी अर्ज भरल्याची माहिती कार्यालयात दिली. हा एबी फॉर्म त्यांनी निवडणूक निर्णय अधिकाऱ्यांकडे जमा केल्याचे सांगण्यात आले. त्यानंतर जगताप यांनी तपासले असता, त्यांच्या कपाटामधील फॉर्म गायब होता. यावरून शिल्पा यांनीच किंवा त्यांच्या वतीने अन्य कुणीतरी हा फॉर्म चोरल्याचा संशय बळावला. त्यावरून जगताप यांनी शीव पोलिस ठाण्यात तक्रार केली.

पुढे काय होणार ?
याप्रकरणी शिल्पा केळुसकर यांना नोटीस पाठविण्यात येणार आहे, अशी माहिती एका वरिष्ठ अधिकाऱ्याने दिली. या प्रकरणाचा तपास सुरू करण्यात आल्याचेही त्याने सांगितले. एकीकडे पोलिस कारवाई सुरू असताना निवडणूक आयोगाकडून काही कारवाई करण्यात येईल का, शिल्पा यांना भाजपची उमेदवार म्हणून निवडणूक लढवता येणार का, असे अनेक प्रश्न या प्रभागातील नागरिकांच्या मनात आहेत. इतके होऊनही शिल्पा निवडून आल्यास त्यांना भाजपच्या अधिकृत नगरसेविका म्हणून संबोधिले जाणार की, भाजप त्यांची पक्षातून हकालपट्टी करणार, असे अनेक प्रश्नही उपस्थित होत आहेत.
Eknath Shinde यांचा मोठा गौप्यस्फोट, म्हणाले, ‘फडणवीसांनी ठाकरेंना 50 फोन केले, मी साक्षीदार’
‘एबी’ फॉर्म, गोंधळाची चौकशी
नाशिक : नाशिकमध्ये ‘एबी’ फॉर्म वाटपवरून झालेला ‘राडा’ आणि प्रभाग क्रमांक २५ आणि २९मधील ‘एबी’ फॉर्म वाटप प्रकरणाची मुख्यमंत्री देवेंद्र फडणवीस आणि प्रदेशाध्यक्ष रवींद्र चव्हाण यांनी चौकशी करण्याचे निर्देश दिले आहेत. या प्रकरणांची प्रदेश पातळीवरून चौकशी होणार असल्याची माहिती जलसंपदामंत्री गिरीश महाजन यांनी दिली. ‘पैसे देऊन तिकीट वाटप केल्याचे आरोप निराधार आहे. नाराजांना तिकिटे मिळाले नाही की असे आरोप होतात. प्रत्येकाची नाराजी लवकर दूर होईल,’ असा दावा महाजन यांनी केला.