म. टा. प्रतिनिधी, पुणे: उपमुख्यमंत्री अजित पवार यांनी भाजपवर भ्रष्टाचाराचे आरोप केल्यानंतर आता भाजपचे प्रदेशाध्यक्ष रवींद्र चव्हाण यांनी त्यांना प्रत्युत्तर दिले आहे. अजित पवार यांना सत्तेत सहभागी करून घेताना विचार करा, असा सल्ला मी पूर्वीच मुख्यमंत्री देवेंद्र फडणवीस यांना दिला होता, असा गौप्यस्फोट चव्हाण यांनी शनिवारी केला.
अजित पवार यांनी शुक्रवारी पुण्यात बोलताना भाजपवर टीकास्त्र सोडले होते. ‘माझ्यावर ७० हजार कोटी रुपयांच्या भ्रष्टाचाराचा आरोप होता, पण तो सिद्ध झाला नाही. ज्यांनी माझ्यावर आरोप केले त्यांच्यासोबत मी सत्तेत सहभागी आहे’, असे सांगत पवार यांनी पुण्यात भाजपने कोट्यवधी रुपयांच्या ठेवी मोडल्या, हा एक प्रकारचा भ्रष्टाचारच असल्याचा आरोप केला. अजित पवार यांच्या या टीकेला रवींद्र चव्हाण यांनी शनिवारी उत्तर दिले. ते म्हणाले की, ‘सभेमध्ये काय बोलायचे, यासाठी भाड्याने एजन्सी घेतली जाते. त्यांना करायचे ते करू द्या. आपण जमिनीवर राहून काम करायचे आहे. निवडणुकीच्या काळात भाड्याच्या एजन्सीकडून स्क्रीप्ट लिहून घेत वर तोंडाने आरोप करू नका.’ भाजप उमेदवारांच्या प्रचाराची सुरुवात करण्यासाठी चव्हाण पुण्यात आले होते.
Ajit Pawar : गुन्हेगाराच्या पत्नीला उमेदवारी का दिली? अखेर अजित पवार यांनी मौन सोडलं, म्हणाले…
भाजपच्या महापालिकेतील एका त्रिकुटाकडे एकहाती सत्ता होती, केंद्रात आणि राज्यात भाजपचीच सत्ता असूनही पुण्याच्या समस्या सोडविण्यात ते अपयशी ठरले. निधीची कमतरता नसतानाही त्यांच्या दूरदृष्टीच्या आणि इच्छाशक्तीच्या अभावामुळेच पुणेकरांच्या समस्या वाढल्या. त्यामुळे महापालिकेतील ‘ कारभारी त्रिकूट’ बदलण्याची वेळ आली आहे,अशा शब्दांत अजित पवार यांनी नाव न घेता भाजपच्या नेत्यांवर शनिवारी निशाणा साधला. त्यामुळे त्यांचा रोख कोणाकडे याबाबत चर्चा सुरू झाली आहे.
लकी शर्टची खिल्ली….
सभेमध्ये काय बोलायचे, पत्रकार परिषदेत काय आरोप करायचे, यासाठी भाड्याने एजन्सी घेतली जाते. इतकेच काय कोणता शर्ट लकी आहे, याबाबतही सल्ला घेतला जातो. कंपन्यांना पैसा देऊन ट्रोल करण्याचे उद्योग केले जातात. मी किती लोकप्रिय आहे, असे भासवले जाते. त्यामुळे त्यांना करायचे ते करू द्या. आपण जमिनीवर राहून काम करायचे आहे, असा सल्ला चव्हाण यांनी कार्यकर्त्यांना दिला.
Pune News : ‘टीका करायचं काम अजित पवार करत आहेत’, उदय सामंत यांचा खोचक टोला, महायुतीत काय सुरु?
शायनिंग व सेटिंग नको…
पुणे शहरात विकासाची कामे केली आहेत. पुन्हा सत्ता आणायची आहे. त्यामुळे शायनिंग मारू नका. निवडून येण्यासाठी सेटिंग करू नका, अशा शब्दांत चव्हाण यांनी भाजप शहराध्यक्ष शत्रुघ्न काटे यांची कानउघाडणी केली. केंद्र, राज्य आणि पालिकेत एकाच विचाराची सत्ता आणण्यासाठी कसोशीने, एकजुटीने प्रयत्न करा, असे आवाहनही त्यांनी केले.
खासगीत सांगत होतो
‘निवडणुकीच्या तोंडावर लोकांना दिशाभूल करण्याचे काम काही जणांकडून होत असते. त्यांना सत्तेत सहभागी करून घेण्याबाबत मी खासगीत मुख्यमंत्री देवेंद्र फडणवीस यांना सांगत होतो की, साहेब, थोडा विचार करा आपली पारदर्शक कारभाराची विचारधारा आहे. ‘ना खाऊंगा, ना खाने दूँगा,’ अशी पंतप्रधान नरेंद्र मोदी यांची शिकवण आहे. परंतु, माझे ऐकले नाही,’ असे चव्हाण म्हणाले.
अमोल बालवडकरांची एन्ट्री, अजित पवारांनी तिकीट कापलं, पूनम विधातेंचा मोठा निर्णय
अजित पवार म्हणाले…
सिंचन प्रकल्पात ७० हजार कोटींच्या घोटाळ्याचा आरोप माझ्यावर आहे.
ज्यांनी आरोप केले त्यांच्याबरोबर मी सत्तेत सहभागी आहे.
भाजपने पुण्यात भ्रष्टाचाराचा कळस गाठला आहे.
रवींद्र चव्हाण म्हणाले…
पवार यांच्या आरोपांना आम्ही सविस्तर उत्तर दिले, तर त्यांचीच कोंडी होईल.
आपण कोणाबद्दल आरोप करत आहोत, याचा त्यांनी विचार करायला पाहिजे.
नरेंद्र मोदी, देवेंद्र फडणवीस यांचे नेतृत्व त्यांना मान्य नाहीत का, हे सांगावे.