घरचा आधारस्तभं हरपला

भाऊसाहेब हा तरुण गेल्या अनेक वर्षांपासून गावातीलच एका हॉटेलमध्ये काम करून आपल्या कुटुंबाला हातभार लावत होता. काल शुक्रवारी तो नेहमीप्रमाणे शेतातील गव्हाच्या पिकाला पाणी देण्यासाठी गेला होता. मात्र, रात्र उलटली तरी तो घरी परतला नाही. त्यामुळे चिंतेत पडलेल्या त्याच्या चुलत भावाने व नातेवाईकांनी शोधमोहीम सुरू केली. रात्री उशिरा गावाजवळील नदीकाठी शोध घेत असताना, एका झाडाला भाऊसाहेबचा मृतदेह लटकलेल्या अवस्थेत आढळून आला. भाऊसाहेबच्या घरची परिस्थिती अतिशय हलाखीची होती. त्याचे वडील काहीसे भोळसर असल्याने ते चुलत्यासोबत ऊसतोडीच्या कामाला जातात, तर आई कामाच्या निमित्ताने पुणे आणि गाव अशा दोन्ही ठिकाणी असते. अशा परिस्थितीत भाऊसाहेब स्वतः चुलत्याकडे राहून कष्ट करत होता. घराचा एक मुख्य आधारस्तंभ अशा प्रकारे निघून गेल्याने खंडागळे कुटुंबावर दुःखाचा डोंगर कोसळला आहे.
Raigad Accident : ताम्हिणी घाटात थार घाली त्याच भागात कार गेलेली दरीत, अखेर मयत कारचालकाची ओळख पटली, तो तर…

मोबाईलच्या सीडीआरकडे लक्ष

भाऊसाहेबने हे टोकाचे पाऊल का उचलले, याचे कारण अद्याप समोर आलेले नाही. मात्र, त्याने मृत्यूपूर्वी कोणाशी संपर्क साधला होता का? किंवा त्याच्यावर काही मानसिक दडपण होते का? याचा शोध घेण्यासाठी त्याचा मोबाईल महत्त्वाचा पुरावा ठरू शकतो. नातेवाईक आणि ग्रामस्थांनी पोलिसांनी त्याच्या मोबाईलचे सीडीआर तपासावेत, अशी मागणी केली आहे. त्यातूनच या मृत्यूचे गूढ उकलण्याची शक्यता वर्तवली जात आहे.
70 हजार कोटींचा घोटाळा अन् मोदी-फडणवीसांचा पक्ष; अजितदादा अन् चव्हाणांमध्ये जोरदार जुंपली

घटनास्थळी तात्काळ पोलीस दाखल

घटनेची माहिती मिळताच आष्टी पोलीस ठाण्याचे हवालदार भाऊसाहेब आहेर यांनी तातडीने घटनास्थळी पोहोचून पंचनामा केला. मृतदेह शवविच्छेदनासाठी धामणगाव येथील प्राथमिक आरोग्य केंद्रात पाठवण्यात आला आहे. सध्या आष्टी पोलिसांनी या प्रकरणी आकस्मित मृत्यू अशी नोंद केली असून, पुढील तपास पोलीस करत आहेत.