पुणे आणि पिंपरी-चिंचवड महापालिकेत भाजप विरुद्ध राष्ट्रवादी काँग्रेस असा थेट सामना आहे. आजी, माजी सत्ताधारी एकमेकांसमोर भिडले आहेत. एकमेकांवर आरोप सुरु आहेत. परस्परांवरील आरोपांमुळे सगळेच उघडे पडू लागले आहेत, असं चित्र निर्माण झालं आहे. भ्रष्टाचाराच्या मुद्द्यावर बोलताना अजित पवार यांनी काल झालेल्या पत्रकार परिषदेत सिंचन घोटाळ्याचा विषय काढला. ७० हजार कोटी रुपयांच्या घोटाळ्याचा दाखला अजित पवारांनी दिला. ज्यांनी ७० हजार कोटी रुपयांच्या भ्रष्टाचाराचे आरोप केले, त्यांच्याच सोबत आज मी सत्तेत बसलो ना, असा सवाल अजित पवारांनी केला. हा प्रश्न विचारुन उपमुख्यमंत्र्यांनी थेट भाजपची कोंडी केली.
शिंदेंच्या होमपीचवर भाजप सुस्साट; देवाभाऊंच्या शिलेदारानं करुन दाखवलं, मतदानाआधीच मोठा धमाका
पिंपरी-चिंचवड महानगरपालिकेतील सत्ताधाऱ्यांसाठी सध्या कुठे भ्रष्टाचार करुन पैसा कमावता येईल, हेच लक्ष्य आहे. आशिया खंडातील सर्वात श्रीमंत महानगरपालिका असणारी पिंपरी-चिंचवड महानगरपालिका कशाप्रकारे कर्जाच्या खाईत लोटली गेली, हे तुम्ही पाहिलं असेल. महापालिकेच्या ८ हजार कोटी रुपयांच्या ठेवी सत्ताधाऱ्यांनी मोडल्या. त्या मोडून काय कामं केली, कामं केली असतील तर ती दाखवावीत, असं आव्हान अजित पवारांनी दिलं.
NCPच्या बॅनरवर शरद पवारांचा फोटो; प्रश्न विचारताच अजितदादांचं मोजक्या शब्दांत सूचक उत्तर
भाजपवर तुटून पडलेल्या अजित पवारांना भाजपचे प्रदेशाध्यक्ष रविंद्र चव्हाण यांनी उत्तर दिलं आहे. आम्ही आरोप करायला गेलो, तर त्यांना फार अडचणी निर्माण होतील. याची काळजी त्यांनी घ्यायला हवी, असं रविंद्र चव्हाण म्हणाले. आरोप-प्रत्यारोप कसे करावेत हे त्यांनी ठरवलं पाहिजे. अजित पवारांनी आधी स्वत:कडे पाहावं आणि ते मोदी, फडणवीसांच्या पक्षाविषयी बोलत आहेत, हे लक्षात ठेवावं, असा सूचक इशारा चव्हाण यांनी दिला.