पनवेलमध्ये भाजपच्या अधिकृत उमेदवार स्नेहा शेंडे यांनी त्यांचा उमेदवारी अर्ज मागे घेतला. त्यामुळे भाजपचे नेते विक्रांत पाटील यांची बहीण स्नेहल ढमाले पाटील विजयी झाल्या. विक्रांत पाटील भाजपचे विधान परिषदेचे आमदार आहेत. प्रभाग क्रमांक १८ क मधील नाट्यमय घडामोडींमुळे भाजपमध्ये नाराजीचा सूर आहे. विशेष म्हणजे आमदार विक्रांत पाटील यांची बहीण अपक्ष निवडणूक लढवत होती. स्नेहल ढमाले पाटील यांच्या बिनविरोध निवडीनं भाजप कार्यकर्त्यांमध्ये रोष पाहायला मिळत आहे.
70 हजार कोटींचा घोटाळा अन् मोदी-फडणवीसांचा पक्ष; अजितदादा अन् चव्हाणांमध्ये जोरदार जुंपली
खासदार, आमदारांच्या नातेवाईकांना उमेदवारी देण्यास मुख्यमंत्री देवेंद्र फडणवीस यांचा कडाडून विरोध होता. घराणेशाहीला लगाम घालण्यासाठी पक्षानं हे धोरण आखलेलं होतं. पण आमदार विक्रांत पाटील यांनी तरीही त्यांच्या बहिणीला अपक्ष उमेदवार म्हणून निवडणुकीच्या आखाड्यात उतरवलं. आता त्यांनी भाजपच्या अधिकृत उमेदवारालाच माघा घ्यायला लावली. त्यामुळे स्थानिक भाजप कार्यकर्त्यांमध्ये नाराजीचा सूर आहे.

अपक्ष उमेदवार स्नेहा ढमाले यांच्या बिनविरोध निवडीनं भाजपला धक्का बसला आहे. अधिकृत उमेदवाराला माघार घेण्यास भाग पाडल्याचा आरोप स्थानिक पातळीवर आमदार पाटील यांच्यावर होत आहे. यासंदर्भात भाजपमधील निष्ठावानांचा गट आक्रमक झाला आहे. त्यांच्याकडून आमदार विक्रांत पाटील यांची वरिष्ठांकडे लेखी तक्रार केली जाणार असल्याचं कळतं.
शिंदेंच्या होमपीचवर भाजप सुस्साट; देवाभाऊंच्या शिलेदारानं करुन दाखवलं, मतदानाआधीच मोठा धमाका
एकीकडे भाजपच्या उमेदवाराला माघार घ्यावी लागली असल्यानं कार्यकर्त्यांमध्ये नाराजी असताना दुसरीकडे भाजपचे ६ उमेदवार बिनविरोध विजयी झाले आहेत. पनवेलमध्ये २०१७ मध्ये अखेरची निवडणूक झाली. त्यावेळी महापालिकेत भाजपचे ५१ उमेदवार विजयी झाले होते. एकूण ७८ जागा असलेल्या महापालिकेत भाजपनं अगदी स्पष्ट बहुमत मिळवलं होतं. भाजपच्या खालोखाल जागा शेतकरी कामगार पक्षानं जिंकल्या. शेकापनं २३ जागा जिंकल्या होत्या.