नाशिक येथील आमदार देवयानी फरांदे यांच्या घरातील उमेदवारांनी अर्ज दाखल केला होता, मात्र पक्षाचा आदेश असल्याने त्यांनी त्यांच्या घरातील उमेदवारांचा उमेदवारी अर्ज दाखल न करण्याचा निर्णय घेतला. एकंदरीत त्यांनी पक्षांच्या आदेशाचे, सूचनेचे पालन तंतोतंत केले. तरी मात्र जळगाव शहरातील भाजपचे आमदार सुरेश भोळे यांनी या आदेशाची पायमल्ली केली असल्याने सुरेश भोळे यांना भाजपाचा आदेश मान्य नसावा, अशीच चर्चा सध्या सुरू आहे.

दुसरीकडे भारतीय जनता पार्टीने अनेकठिकणी निष्ठावान कार्यकर्त्यांना डावलले असून त्यांचा आक्रोश पाहायला मिळाला आहे. तिकिटासाठी कार्यकर्ते वणवण भटकंती करत होते. पक्ष आपल्यालाच उमेदवारी देईल, या आशेने उमेदवार पक्षाकडे डोळे लावून होते, मात्र निष्ठावान कार्यकर्त्यांना डावलून पण आमदारांच्या पुत्राला उमेदवार करुन बिनविरोध केल्याने निष्ठावान कार्यकर्त्यांनी तीव्र नाराजी दर्शवली आहे.

Solapur Crime: सोलापूर हादरलं! मनसे पदाधिकाऱ्याची निवडणुकीच्या वादातून निर्घृण हत्या; संतप्त जमावानं भाजप कार्यालय फोडलं, नेमंक काय घडलं?

प्रभाग क्रमांक 12 मधून भाजप उमेदवार उज्वला बेंडाळे या सर्वात आधी बिनविरोध निवडून आल्या. त्यानंतर आज विशाल भोळे यांची बिनविरोध निवड झाल्याने भाजपाच्या दोन आणि शिवसेना शिंदे यांच्या चार जागा या बिनविरोध निवडून आल्या असल्याने एकूणच महायुतीच्या सहा जागा महानगरपालिकेत पक्क्या झाल्या आहेत.

आमदार सुरेश भोळे यांचे पुत्र बिनविरोध झाल्यानंतर विशाल भोळे यांनी सांगितले की, प्रभाग क्रमांक सात हा आमचा आधीपासूनचा गड आहे. त्या ठिकाणी वीस वर्षापासून माझी आई सीमा घोडे या ठिकाणी प्रतिनिधित्व करीत आहे, मात्र यावेळेस त्यांना पक्षाने संधी न दिल्याने पक्षाने मला त्या ठिकाणी संधी दिली आहे, त्यामुळे ही कुठलाही घराणेशाही नसून गेल्या 20 वर्षापासून आम्ही आमच्या स्वतःच्या प्रभागामध्ये प्रतिनिधित्व करीत आहे.