संतोष कोटा असे सुचकाचे नाव आहे, भाजप उमेदवार राजकुमार पाटील यांनी सुरुवातीला अपक्ष उमेदवाराचे सुचक संतोष कोटा यांची मनधरणी करण्याचं प्रयत्न केला. संतोष कोटा याने शेवटपर्यंत नकार देत माघारी घेणार नाही अशी भूमिका घेतली होती. यावरून निवडणूक अधिकारी कार्यालया बाहेर मोठा गोंधळ निर्माण झाला होता.

सुचकाला फरफटत घेऊन जाण्याचा प्रयत्न फसला

अपक्ष उमेदवार बाबुराव जगताप यांचे सूचक संतोष कोटा याला भाजप कार्यकर्त्यांनी निवडणूक अधिकारी कार्यालयात घेऊन जाण्याचा प्रयत्न केला. मात्र भाजप विरोधात असलेल्या काही कार्यकर्त्यांनी वेळ संपली, असे सांगत दारात उभे राहून अडविले.यावरून गोंधळ सुरू झाला, सूचक संतोष कोटा यांना फरफटत घेऊन जाण्याचा प्रयत्न केला, यावरून जबरदस्त गोंधळ निवडणूक कार्यालया समोर आरडाओरडा झाला.

Rahul Narvekar: ‘पंगा कशाला घेताय?’; विधानसभा अध्यक्षांची माजी खासदाराला थेट धमकी? राऊतांनी शेअर केला खळबळजनक व्हिडिओ

पोलिसांनी मध्यस्थी करत सर्वांना बाहेर काढले, सूचक संतोष कोटा याला गर्दीत विचारले माघारी घेणार का? सुचकाने नाही म्हणताच ताबडतोब सर्वांना बाहेर काढलं. भाजप उमेदवार राजकुमार पाटील आणि पोलिसांमध्ये शाब्दिक चकमक झाली.

भाजप उमेदवार राजकुमार पाटील यांनी आरोप केला

भारतीय जनता पार्टीचे प्रभाग 3 अ मधील उमेदवार राजकुमार पाटील यांनी बाहेर येऊन माध्यमांना प्रतिक्रिया दिली. सुचक संतोष कोटा हे माघार घेणार होते, बिपीन पाटील आणि सूरज पाटील यांनी अडविले असा आरोप केला.

प्रभाग 3 अ या प्रभागात मुख्य लढत

भाजपचे राजकुमार पाटील विरुद्ध सुरेश बिद्री (एकनाथ शिंदें शिवसेना) आणि अपक्ष बाबुराव जमादार या तिघांत मुख्य फाईट आहे.